ປົດລ໋ອກໂຄວິດເຮັດໃຫ້ນະຄອນຫຼວງພະບາງກັບມາມີສີນສັນອີກຄັ້ງໃໝ່

  ນັບແຕ່ມື້ຄະນະສະເພາະກິດລະດັບຊາດໄດ້ຖະແຫຼງການຄັ້ງທໍາອິດວ່ານະຄອນຫຼວງວຽງຈັນ ແລະນະຄອນຫຼວງພະບາງ ມີຜູ້ຕິດເຊື້ອພະຍາດໂຄວິດເມື່ອວັນທີ 24 ມີ ນາເປັນຕົ້ນມາບວກໃສ່ກັບການປະຕິບັດຄໍາສັ່ງຂອງທ່ານນາຍົກໃນຂອບເຂດທົ່ວປະເທດເວົ້າສະເພາະນະຄອນຫຼວງພະບາງໃນເສັ້ນທາງທີ່ເຄີຍມີລົດຕິດແອອັດທີ່ສຸດໃນແຕ່ ລະມື້ກໍ່ຍັງບໍ່ເຫັນມີລົດແລ່ນເປັນເວລາສອງເດືອນກວ່າຍ້ອນລັດໃຫ້ປະຊາຊົນຢູ່ເຮືອນເພື່ອຢຸດເຊື້ອ ແລະຫຼັງປະກາດປົດລ໋ອກໂຄວິດ 18 ພຶດສະພາ ຜ່ານມາເຮັດໃຫ້ນະ ຄອນຫຼວງພະບາງເລີ່ມຄ່ອຍກັບມາສີສັນອີກຄັ້ງໃໝ່, ບັນດາຮ້າງຮ້ານ, ຮ້ານອາຫານ, ຮ້ານກິນດື່ມເລີ່ມຖະຍອຍກັນເປີດຫຼາຍຂຶ້ນ.

 ດ້ານຜູ້ປະກອບການຫຼາຍຮ້ານໄດ້ໃຫ້ສໍາພາດຕໍ່ສື່ຂ່າວເສດຖະກິດ-ສັງຄົມ ປະຈໍາແຂວງຫຼວງພະບາງເປັນສຽງດຽວກັນວ່າ: ຫຼັງປິດກິດຈະການມາເປັນເວລາເກືອບສອງເດືອນກວ່າຕອນນີ້ແມ່ນເລີ່ມ ເປີດກິດຈະການຂອງຕົນເອງເປັນປົກກະຕິແລ້ວແຕ່ບັນຫາບໍ່ມີຄົນເຂົ້າຮ້ານຜ່ານມາສ່ວນໃຫຍ່ລູກຄ້າຫຼັກແມ່ນນັກທ່ອງທ່ຽວ, ສໍາລັບນັກທ່ອງທ່ຽວພາຍໃນກໍຄືນັກທຸລະກິດພາຍໃນເທສະບານແຂວງແມ່ນມີສ່ວນນ້ອຍ, ແຕ່ກໍຍັງມີຄົນຕ່າງປະເທດທີ່ມາລົງທຶນເຮັດທຸລະກິດຢູ່ພາຍໃນແຂວງຫຼວງພະບາງຈໍານວນໜຶ່ງທີ່ມາເຂົ້າຮ້ານອາຫານແຕ່ກໍບໍ່ໄດ້ຄຶກຄື້ນຄືທີ່ຜ່ານມາ.

  ສ່ວນການຂາຍເຄື່ອງສິນຄ້າຜະລິດຕະພັນຕ່າງໆ, ເຄື່ອງທີ່ລະນຶກຈາກພໍ່ແມ່ປະຊາຊົນຂອງຊາວຫຼວງພະບາງຢູ່ທີ່ເສັ້ນທາງສີສະຫວ່າງວົງໄດ້ເປີດໃຫ້ນັກທ່ອງທ່ຽວໄດ້ທ່ຽວຊົມ, ຈັບຈ່າຍຊື້ຂອງທີ່ລະນຶກໃນຍາມລາຕີເວລາກັບໄປປະເທດນັ້ນຍັງບໍ່ທັນເຫັນມີສັນຍານວ່າສິມີອີກມື້ໃດລວມເຖິງການເປີດບໍລິການຂອງບັນດາໂຮງແຮມ, ເຮືອນພັກຕ່າງໆກໍຍັງງຽບເຫງົາຢູ່.

  ສ່ວນແມ່ຄ້າທີ່ຂາຍເຄື່ອງປະເພດອາຫານການກິນສຸກຕອນຄໍ່າທີ່ຕະຫຼາດກາງຄືນເພື່ອໄວ້ຄອຍບໍລິການເຕີມອາຫານໃຫ້ນັກທ່ອງທ່ຽວໄດ້ເລີ່ມຖະຍອຍກັນມາຂາຍໃນແຕ່ ລະຕອນແລງແລ້ວແຕ່ບໍ່ໄດ້ເຂົ້າໄປຂາຍໃນຮ່ອມທີ່ກໍານົດໄວ້ໃຫ້ພວກເຂົາເຈົ້າໄດ້ພາກັນມາຂາຍຢູ່ແຄມໜ້າທາງແຕ່ຈຸດ 4 ແຍກຕະຫຼາດກາງຄືນໄປຈົນຮອດໜ້າວັດໃໝ່ ແລະ ແມ່ຄ້າໄດ້ຂາຍໃຫ້ຄົນລາວໃນລາຄາທີ່ຖືກກວ່າຕອນຂາຍໃຫ້ນັກທ່ອງທ່ຽວຕື່ມອີກຈິ່ງເຮັດໃຫ້ການໄປຈັບຈ່າຍຊື້ຂອງກິນສຸກຢູ່ແຄມທາງຫຼາຍຈຸດໃນເທດສະບານ ແຂວງໃນຍາມຄ້ອຍຄໍ່າລົງແລງຕອນນີ້ແມ່ນເລີ່ມເຮັດໃຫ້ນະຄອນຫຼວງພະບາງກັບມາມີບັນຍາກາດ, ມີສີສັນແບບລາວທ່ຽວລາວຍ້ອນຍຸກ.

______________

ຂຽນໂດຍ: ສີສຸວັນ

ພາບແລະຂ່າວ: ໜັງສືພິມເສດຖະກິດ-ສັງຄົມ

แชร์