ສວນພຶກສະ ເປີດບໍລິການຮອງຮັບນັກທ່ອງທ່ຽວແລ້ວ

  ສວນພຶກສາສະຖານທີ່ທ່ອງທ່ຽວດ້ານວັດທະນະທຳລາວ, ດ້ານທຳມະຊາດ ແລະບ່ອນຝຶກອົບຮົມກະສິກຳ ແລະກິດຈະກຳຕ່າງໆຂອງເມືອງນາຊາຍທອງ ນະຄອນຫຼວງວຽງຈັນ ໃນຊ່ວງໄລຍະລະບາດຂອງພະຍາດໂຄວິດ-19 ສວນດັ່ງກ່າວໄດ້ປິດບໍລການພ້ອມມີການກັກຕົວປະຕິບັດມາດຕະການປ້ອງກັນຢ່າງເຂັ້ມງວດປະຈຸບັນລັດຖະບານໄດ້ຜ່ອນຜັນມາດຈະການຈຳນວນໜຶ່ງສວນພຶກສາຟື້ນຟູ ແລະເປີດບໍລິການພ້ອມຮອງຮັບນັກທ່ອງທ່ຽວແລ້ວ.

  ທ່ານ ພູວົງ ພະມີສິດ ປະທານສວນພຶກສາໃຫ້ສຳພາດວ່າ: ໃນໄລຍະພະຍາດໂຄວິດ-19 ລະບາດສວນຂອງເຮົາໄດ້ປະຕິບັດມາດຕະການຂອງຄະນະສະເພາະກິດວ່າງອອກຮັກສາໄລຍະຫ່າງ 1 ແມັດ, ກວດແທກອຸນຫະພູມ, ໃສ່ໜ້າກາກ ແລະລ້າງມືໃສ່ສະບູເຈວລ້າງມືຕາມຂັ້ນຕອນຢ່າງເຂັ້ມງວດເພື່ອປ້ອງກັນບໍ່ໃຫ້ພະຍາດດັ່ງແພ່ລະ ບາດເຂົ້າມາໂດຍສະເພາະຄົນໃນບໍ່ໃຫ້ອອກຄົນນອກບໍ່ໃຫ້ເຂົ້າເນື່ອງຈາກວ່າສວນພຶກສາເປັນສະຖານທີ່ກວ້າງຂວາງ ແລະຕິດກັບຊັບພະຍາກອນປ່າໄມ້ທຳມະຊາດອຸດົມສົມ ບູນຫຼາຍຊຶ່ງຈະບໍ່ໄດ້ ຂາດເຂີນດ້ານສະບຽງອາຫານໃຫ້ແກ່ພະນັກງານ ເພາະວ່າເຂົາເຈົ້າລ້ວນແຕ່ທຳມາຫາກິນດ້ວຍກຸ້ມຕົວເອງຢູ່ໃນສວນພຶກສາເລີຍນອກນັ້ນສວນພຶກສາຍັງ ຮ່ວມກັບມູນນິທິຮ່ວມໃຈພັດທະນາລະ ດົມທຶນຊ່ວຍເຫຼືອສັງຄົມອີກດ້ວຍເຊັ່ນ: ມອບເຄື່ອງອຸປະກອນການແພດ, ເຄື່ອງປ້ອງກັນພະຍາດໂຄວິດ-19 ໃຫ້ກະຊວງສາທາລະນະສຸກ, ພະແນກສາທາລະນະສຸກ ແລະບັນດາໂຮງໝໍໃນນະຄອນຫຼວງ ແລະຕ່າງແຂວງທີ່ຍັງຂາດເຂີນດ້ານອຸປະກອນອື່ນໆ ລວມມູນຄ່າທັງໝົດ 300 ກວ່າລ້ານກີບ.

 ພາຍຫຼັງລັດຖະບານໄດ້ຜ່ອນຜັນມາດຈະການປ້ອງກັນຈຳນວນໜຶ່ງສວນພຶກສາເຮົາກໍ່ໄດ້ເລີ່ມເປີດບໍລິການວັນທີ 7 ພຶດສະພາ ເປັນຕົ້ນມາເຫັນວ່າມີແຂກເລີ່ມທະຍ່ອຍເຂົ້າມາທ່ອງທ່ຽວໂດຍສະເພາະແມ່ນແຂກພາຍໃນນະຄອນຫຼວງວຽງຈັນ ປະຈຸບັນຫຼາຍສວນພຶກສາແມ່ນເປີດຮອງຮັບແຂກບໍລິການທ່ອງທ່ຽວແລ້ວນອກນັ້ນແຂກທີ່ໄດ້ມາທ່ຽວຊົມສວນໃນໄລຍະນີ້ຍັງໄດ້ທັດສະນະຝຶກອົບຮົມຄວາມຮູ້ການກະເສດເຊັ່ນ: ເຕັກນິກການປະສົມຢາພື້ນເມືອງລາວ, ການປູກພືດຜັກປອດສານພິດ ແລະ ກິດຈະກຳວັດທະນະທຳຂອງບັນດາຊົນອື່ນໆ.

แชร์