ເຮັດນໍ້າຢາລ້າງຖ້ວຍເອງ ສູດງ່າຍປອດໄພ ຫາຍກັງວົນເລື່ອງງົບ

  ມື້ນີ້ຈະມາແນະນຳວິທີເຮັດນໍ້າຢາລ້າງຖ້ວຍແບບງ່າຍໆ ຕ້ອງມີໄວ້ຕິດເຮືອນບໍ່ຕ້ອງເສຍເງິນຊື້, ຖ້າໜຸ່ມສາວ ຫຼືແມ່ບ້ານແມ່ເຮືອນສົນໃຈກໍ່ສາມາດລອງນຳໄປເຮັດຕາມໄດ້.

ວັດຖຸດິບທີ່ຕ້ອງກຽມ: ສານ N70 (ເປັນສານຊໍາລະລ້າງທີ່ນິຍົມໃຊ້ໃນຜະລິດຕະພັນຄີມອາບນໍ້າ ແລະ ນໍ້າຢາລ້າງຫ້ອງນໍ້າຊຶ່ງຫາຊື້ໄດ້ຕາມຮ້ານຂາຍຜະລິດຕະພັນສານເຄມີ) ຈຳນວນ 1 ກິໂລກຣາມ; ໝາກຂີ້ຫູດ 3 ກິໂລກຣາມ; ຜົງຂີ້ໝິ້ນ 2 ບ່ວງ ແລະເກືອ.

  ວິທີເຮັດ: ລ້າງໝາກຂີ້ຫູດໃຫ້ສະອາດຈາກນັ້ນ, ຜ່າໝາກຂີ້ຫູດອອກເປັນ 2 ປ່ຽງແກະເອົາແກ່ນອອກນຳໝາກຂີ້ຫູດທີ່ກຽມໄວ້ລົງໄປຕົ້ມປະມານ 1 ຊົ່ວໂມງ (ສັງ ເກດເບິ່ງໝາກຂີ້ຫູດເລີ່ມເປື່ອຍ ແລະນໍ້າຕົ້ມປ່ຽນສີ) ປົງໄວ້ໃຫ້ເຢັນ,ຈາກນັ້ນຕອງເອົາແຕ່ນໍ້າແລ້ວໃສ່ສານ N70ປະສົມກັບນໍ້າຕົ້ມໝາກຂີ້ຫູດທີ່ຕອງໄວ້ໃຫ້ເຂົ້າກັນ,ຈາກນັ້ນນຳຂີ້ໝິ້ນຜົງລະລາຍໃນນໍ້າແລ້ວປະສົມລົງໄປກັບນໍ້າຢາໃຫ້ເປັນສີເຫຼືອງສວຍງາມຄືກັນກັບນໍ້າຢາລ້າງຖ້ວຍທີ່ຂາຍຕາມທ້ອງຕະຫຼາດທົ່ວໄປຫຼັງຈາກນັ້ນໃຊ້ເກືອລະ ລາຍປະສົມລົງໄປເພື່ອເພີ່ມຄວາມເຂັ້ມຂຸ້ນໃນການກັດເຊາະຄາບເປື້ອນແລ້ວນຳມາຮ່າຍໃສ່ກວດພາລາສະຕິກແລ້ວນໍາໄປໃຊ້ໄດ້ເລີຍ ຫຼືສາມາດເກັບມ້ຽນໄວ້ໃຊ້ຫຼາຍເດືອນກໍ່ໄດ້.

-----------

ຮຽບຮຽງໂດຍ: ຟ້າ

แชร์