ວົງ NCT127 ສ້າງຍອດຂາຍເພງ ໄດ້ເກີນລ້ານແຜ່ນ

 ປະຈຸບັັນຫາກເວົ້າເຖິງສີລະປິນທີ່ມີຍອດຂາຍເກີນລ້ານຕ້ອງ ເວົ້າເຖິງບອຍແບນລຸ້ນໜຸ່ມນ້ອຍວົງ NCT127 ຈາກຄ່າຍເພງຂະໜາດ ໃຫຍ່ຂອງ SM Entertainment ທີ່ຂຶ້ນແທ່ນເປັນເຈົ້າພໍ່ລ້ານແຜ່ນຫຼ້າສຸດ.

  ວັນທີ 21 ພຶດສະພາ ມີການປະກາດຢ່າງເປັນທາງການດ້ວຍສະຖິຕິໃໝ່ຈາກການຂາຍອາລະບໍ້າຂອງ NCT127 ບອຍແບນສຸດໂດ່ງດັງ ມີຍອດຂາຍອາລະບໍ້າຊຸດທີ 2 ຄື Neo Zone ຊຶ່ງປ່ອຍອອກມາໃນ ເດືອນມີນາ ທີ່ຜ່ານມາເປັນຈຳນວນ 817.666 ຊຸດ ແລະຕໍ່ມາໃນສອງວັນທຳອິດພວກເຂົາອອກອາລະບໍ້າ Neo Zone: The Final Round ກໍສ້າງຍອດຂາຍໄປ 400.987 ຊຸດລວມຍອດຂາຍສອງອາລະບໍ້າລວມກັນນເປັນ 1.218.653 ຊຸດ, ເປັນທີ່ສັງເກດວ່າອາລະບໍ້າ Neo Zone: The Final Round ນັ້ນປ່ອຍອອກໃນວັນທີ 19 ພຶດສະພາ ທີ່ຜ່ານມາ ພຽງສອງວັນ ທຳອິດກໍສ້າງຍອດຂາຍເກີນເຄິ່ງໜຶ່ງຂອງອາລະບໍ້າກ່ອນ ຊຶ່ງເຮັດໃຫ້ສະຖິຕິການຂາຍອາລະບໍ້າຂອງ ໜຸ່ມໆນັ້ນຈະສູງຂຶ້ນໄປຕື່ມອີກ.

--------

ຮຽບຮຽງໂດຍ: ແກ້ວ

แชร์