ອອປໂປ້ຈົດສິດທິບັດເຄສສະມາດໂຟນ ທີ່ມາພ້ອມປຸ່ມຄີບອດ ເຄີຕີ

  ສະມາດໂຟນຂອງ And roid ໃນໄລຍະທຳອິດເຄີຍຍຶດຕິດກັບແຜງຄີບອດ QWERTY ແບບ Physical ແມ່ນແຕ່ OPPO ເອງກໍເຄີຍຜະລິດອອກມາເໝືອນກັນໃນລຸ້ນ Find X903 ທີ່ເປີດໂຕໃນປີ 2011 ມາພ້ອມແຜງຄີບອດ QW ERTY ແບບສະໄລອອກດ້ານຂ້າງ ແຕ່ບໍ່ມີແບຣນໃດຜະລິດອອກມາອີກເລີຍໃນໄລຍະຫຼາຍປີທີ່ຜ່ານມາ ເນື່ອງຈາກຈໍສະແດງຜົນມີຂະໜາດໃຫຍ່ຂຶ້ນເຮັດໃຫ້ການໃຊ້ງານຄີບອດເໝືອນຈິງບົນໜ້າຈໍຕອບສະໜອງ ການກົດໄດ້ດີຂຶ້ນ.

  ແຕ່ວ່າລ້າສຸດທາງ LetsGoDigital ພົບວ່າ OPPO ກຳລັງຈະແນະນຳແຜງຄີບອດ QWER  TY ແບບ Physical ຈະມາໃຊ້ ງານບົນສະມາດໂຟນໃນຮູບແບບ ເຄສຕື່ມອີກ ໂດຍໄດ້ຈົດສິດທິບັດ ໄວ້ກັບທາງອົງການຊັບສິນທາງປັນຍາໂລກແຕ່ຍັງບໍ່ໄດ້ເປີດເຜີຍຂໍ້ ມູນທາງເຕັກນິກແນວໃດກໍຕາມມີຄວາມເປັນໄປໄດ້ສູງວ່າຈະທຳ ງານກັບການເຊື່ອມຕໍ່ກັບສະມາດ ໂຟນຜ່ານ Bluetooth.

 ເຄສຄີບອດຈາກສິດທິບັດຂອງ OPPO ເຮັດໃຫ້ນຶກເຖິງສະມາດ ໂຟນເຮືອທຸງໃໝ່ໆຂອງ LG ທີ່ມາ ພ້ອມ LG DUAL SCREEN ຈໍສະແດງຜົນທີສອງທີ່ສາມາດປ່ຽນ ເປັນແຜງຄີບອດ QWERTY ແບບ ເໝືອນຈິງໄດ້ ແລະຖ້າເວົ້າເຖິງອຸ ປະກອນເສີມທີ່ເປັນແຜງຄີບອດ QWERTY ແບບ Physical ກໍພົບວ່າ Samsung ເຄີຍເຮັດມາ ແລ້ວກັບ Galaxy Note5 ເອີ້ນ ວ່າ Keyboard Cover.

  ຢ່າງໃດກໍຕາມການຈົດທິບັດ ບໍ່ສາມາດກາຣັນຕີບອກໄດ້ວ່າ OPPO ຈະຜະລິດອອກມາໃຫ້ຜູ້ ບໍລິໂພກໄດ້ໃນໄວໆນີ້ ຫຼື ອາດບໍ່ຜະລິດອອກມາເລີຍກໍໄດ້ເນື່ອງຈາກອຸປະກອນເສີມປະເພດແຜງຄີບອດ QWERTY ມີວາງຈຳໜ່າຍຢູ່ ແລ້ວໃນຕະຫຼາດພຽງແຕ່ມີຂະໜາດ ໃຫຍ່ກວ່າທີ່ OPPO ຈົດສິດທິບັດໄວ້.

-----------

ໜັງສືພິມເສດຖະກິດ-ສັງຄົມ

แชร์