ຍອດສົ່ງອອກຂອງຍີ່ປຸ່ນຫຼຸດລົງເກືອບ 22%

ການສົ່ງອອກຂອງຍີ່ປຸ່ນປະຈຳເດືອນເມສາທີ່ຜ່ານມາຫຼຸດລົງຢ່າງໜັກຂະນະດຽວກັນລັດຖະບານກຽມ ຍົກເລີກພາວະສຸກເສີນໃນເຂດຄັນໄຊ ແຕ່ຈະຮັກສານະຄອນຫຼວງໂຕກຽວໄວ້.

 ຕາມຂ່າວຕ່າງປະເທດລາຍງານວ່າ ການສົ່ງອອກຂອງຍີ່ປຸ່ນຫຼຸດລົງຢ່າງໜັກເນື່ອງຈາກການແຜ່ລະບາດ ຂອງເຊື້ອພະຍາດໂຄວິດ-19 ທີ່ສົ່ງຜົນກະທົບຕໍ່ຄວາມຕ້ອງການທົ່ວໂລກ ໂດຍຂໍ້ມູນຂອງກະຊວງການເງິນ ຍີ່ປຸ່ນລະບຸວ່າ ການສົ່ງອອກຂອງຍີ່ປຸ່ນໂດຍລວມໃນເດືອນເມສາຫຼຸດລົງ 21,9% ເມື່ອທຽບກັບເດືອນດຽວກັນ ໃນປີທີ່ຜ່ານມາ ຫຼື ຫຼຸດລົງຫຼາຍທີ່ສຸດໃນໄລຍະ 10 ປີເຄິ່ງ ໂດຍສະເພາະຕະຫຼາດອາເມລິກາ ແລະເອີຣົບ ໂດຍສະເພາະສິນຄ້າປະເເພດລົດດ້ານການນໍາເຂົ້າຂອງຍີ່ປຸ່ນຫຼຸດລົງ 7,2% ແລະເປັນຜົນໃຫ້ດຸນການຄ້າຂອງຍີ່ປຸ່ນຕິດລົບເປັນເທື່ອທຳອິດໃນຮອບ 3 ເດືອນ.

 ຂະນະດຽວກັນລັດຖະບານຍີ່ ປຸ່ນກຳລັງຕັດສິນໃຈວ່າຈະຍົກເລີກພາວະສຸກເສີນໃນນະຄອນຫຼວງໂຕ ກຽວ, ໂອຊາກາ ແລະອີກ 6 ແຂວງ ຫຼື ບໍ່ໂດຍຄາດວ່າ ຈະຮັບແຜນຍົກ ເລີກພາວະສຸກເສີນໃນ 3 ແຂວງ ຄືໂອຊາກາ, ກຽວໂຕ ແລະຮຽວ ໂງະເນື່ອງຈາກອັດຕາຜູ້້ຕິດເຊື້ອ ລາຍໃໝ່ໃນ 3 ແຂວງດັ່ງກ່າວ ຫຼຸດລົງເຫຼືອບໍ່ເຖິງ 5% ຕໍ່ປະຊາກອນ 1 ແສນຄົນ.

--------

ໜັງສືພິມເສດຖະກິດ-ສັງຄົມ

 

แชร์