ຫວຽດນາມ ຟື້ນຟູຕະຫຼາດສົ່ງອອກກຸ້ງ

 ແຕ່ຕົ້ນປີ 2020 ມາຮອດປະຈຸບັນ, ການຜັນແປຂອງສະພາບອາກາດເຊັ່ນ: ແດດຮ້ອນ, ນໍ້າທະເລຊຶມແກ່ຍາວເປັນເວລາຫຼາຍເດືອນເຮັດໃຫ້ບັນດາເຂດລ້ຽງກຸ້ງຢູ່ເຂດທົ່ງພຽງແມ່ນ້ຳຂອງທາງພາກໃຕ້ ສສ ຫວຽດ ນາມປະສົບກັບຄວາມຫຍຸ້ງຍາກ.

  ຕາມຂ່າວສານຫວຽດນາມລາຍງານວ່າ ໂລກລະບາດໂຄວິດ-19 ກໍ່ເຮັດໃຫ້ການສົ່ງອອກກຸ້ງຖືກຜົນສະທ້ອນ, ພາໄປເຖິງວົງເງິນການຄ້າຫຼຸດລົງ, ຕໍ່ໜ້າບັນດາຄວາມຫຍຸ້ງຍາກດັ່ງກ່າວ, ກະຊວງກະສິກຳ ແລະພັດທະນາຊົນນະບົດຫວຽດນາມ ໄດ້ສະເໜີໃຫ້ບັນດາທ້ອງຖິ່ນ, ສະຫະສະມາຄົມ, ວິສາຫະກິດສິນໃນນໍ້າ, ນັບແຕ່ນີ້ຈົນຮອດທ້າຍປີຄວນສຸມໃສ່ຢ່າງຂ້ຽວຂາດເຂົ້າໃນການລ້ຽງກຸ້ງ ເພື່ອຮັບປະກັນໃຫ້ເນື້ອທີ່ລ້ຽງກຸ້ງບັນລຸໄດ້ປະມານ 730.000 ເຮັກຕາ, ປະລິມານການຜະລິດໃຫ້ໄດ້ 830.000 ໂຕນ.

  ໄປຄຽງຄູ່ກັນນັ້ນ, ຄວນຂຸດຄົ້ນບັນດາຕະຫຼາດສົ່ງອອກໃຫ້ເປັນຢ່າງ ດີຄື: ອີຢູ, ອາເມລິກາ, ຍີ່ປຸ່ນ, ຈີນ ແລະເອົາໃຈໃສ່ເຖິງຕະຫຼາດໃໝ່ຄື: ລັດ ເຊຍ, ໂປໂລຍ; ພ້ອມທັງ, ເອົາໃຈໃສ່ເຖິງການຈຳໜ່າຍຜະລິດຕະພັນກຸ້ງ ຢູ່ຕະຫຼາດພາຍໃນປະເທດໃຫ້ເປັນຢ່າງດີສູ້ຊົນບັນລຸເປົ້າໝາຍວົງເງິນສົ່ງ ອອກກຸ້ງໃຫ້ໄດ້ປະມານ3,5 ຕື້ໂດລາສະຫະລັດ ໃນປີ 2020, ເພີ່ມຂຶ້ນ 2–3% ເມື່ອທຽບໃສ່ປີ 2019.

---------

ໜັງສືພິມເສດຖະກິດ-ສັງຄົມ

แชร์