ປະໂຫຍດຈາກຜັກຊີຊ້າງ ທີ່ບໍ່ຄວນເບິ່ງຂ້າມ

   ຜັກຊີຊ້າງເປັນພືດເຄິ່ງນໍ້າເຄິ່ງບົກໃບສົດ ແລະຮາກຂອງຜັກຊີຊ້າງ ກິນເປັນອາຫານໄດ້ທັງດິບ ແລະສຸກ ຫຼື ຊອຍເປັນຕ່ອນນ້ອຍໆແລ້ວປະສົມໃສ່ກັບ   ອາຫານຊະນິດຕ່າງໆ, ຢູ່ໃນອາຊີຕາເວັນອອກສ່ຽງ ໃຕ້ໄດ້ນຳໃຊ້ໃບຜັກຊີຊ້າງເຂົ້າໃນການປຸງລົດຊາດອາຫານ ແລະແກ່ນຂອງມັນກໍ່ນໍາໃຊ້ເປັນເຄື່ອງເທດ.

 ນໍ້າມັນຈາກແກ່ນຜັກຊີຊ້າງ (ນໍ້າມັນຜັກຊີ) ຊຶ່ງ ໄດ້ມາດ້ວຍການຕົ້ມກັ່ນຈາກແກ່ນຂອງມັນນັ້ນແມ່ນ ດີຕໍ່ການໝູນວຽນຂອງເລືອດ, ກ້າມເນື້ອ ແລະຂໍ່ກະດູກ, ລະບົບການຍ່ອຍອາຫານ, ຮໍໂມນ, ລະບົບປະສາດ ແລະໂລກປະດົງຂໍ່, ນອກຈາກນັ້ນແກ່ນຜັກຊີ ຊ້າງຍັງເຊື່ອກັນວ່າເປັນຢາປຸກອາລົມເພດທີ່ມີປະສິດທິພາບສູງ, ຊ່ວຍໃຫ້ປັດສະວະໄຫຼສະດວກ ແລະຊ່ວຍ ໃຫ້ລົດຜ່ອນກົດຢູຣິກ (uric) ແລະກົດສ່ວນເກີນ ຕ່າງໆໃນຮ່າງກາຍ, ນອກຈາກນີ້, ຜັກຊີຊ້າງຍັງມີ ປະໂຫຍດໃນການປິ່ນປົວອາການປວດຫົວດ້ວຍການ ຕົ້ມດື່ມຄືກັບນໍ້າຊາ.

---------

ຮຽບຮຽງໂດຍ: ຟ້າ

• 22/05/2020