ເງິນເຟີ້ອັງກິດຫຼຸດລົງຕໍ່າສຸດໃນຮອບ 4 ປີ

 ອັດຕາເງິນເຟີ້ສິນຄ້າຜູ້ບໍລິ ໂພກຂອງອັງກິດປະຈຳເດືອນເມສາທີ່ຜ່ານມາຫຼຸດລົງ 0,8% ເມື່ອທຽບກັບໄລຍະເວລາດຽວກັນຂອງປີທີ່ຜ່ານມາ ພາຍຫຼັງລາຄານໍ້າມັນຫຼຸດລົງຢ່າງໜັກ ພ້ອມທັງຮ້ານຄ້າຕ່າງພາກັນປັບຫຼຸດລາຄາເພື່ອຊຸກຍູ້ຍອດຂາຍທີ່ຢຸດຈຶ້ງຈາກພາວະເສດຖະກິດລໍຕົວ.

  ຕາມຂ່າວຕ່າງປະເທດລາຍ ງານວ່າ ໂດຍອັດຕາເງິນເຟີ້ທີ່ລະດັບ 0,8% ເປັນຕົວເລກທີ່ຕໍ່າສຸດນັບຕັ້ງແຕ່ປີ 2016 ແລະຕໍ່າກວ່າເປົ້າໝາຍທີ່ທະນາຄານກາງອັງກິດ (ບີໂອອີ) ຕັ້ງເປົ້າໄວ້ທີ່ 2% ຊຶ່ງຕົວເລກ ເງີນເຟີ້ຖືກກົດດັນຢ່າງໜັກເນື່ອງຈາກຄວາມຕ້ອງການຫຼຸດລົງຈາກການແຜ່ລະບາດຂອງເຊື້ອພະຍາດໂຄວິດ-19 ນອກຈາກນີ້ອດຕາເງິນ ເຟີ້ອາດຈະຫຼຸດລົງສູ່ລະດັບ 0% ໃນທ້າຍປີນີ້.

  ຕົວເລກອັດຕາເງິນເຟີ້ຫຼຸດລົງຕໍ່າກວ່າເປົ້າໝາຍສົ່ງຜົນເຮັດໃຫ້ນັກເສດຖະສາດສ່ວນຫຼາຍຄາດວ່າ ທະນາຄານກາງອັງກິດຈຳເປັນຕ້ອງຜ່ອນຄາຍທາງການເງິນເພີ່ມຕື່ມ ໂດຍປະຈຸບັນທະນາຄານກາງ ອັງກິດໄດ້ອັດສີດສະພາບຄ່ອງເຂົ້າສູ່ລະບົບ 2 ຮ້ອຍຕື້ປອນໃນເດືອນມີນາ ແລະຄາດວ່າ ທະນາຄານກາງ ອັງກິດອາດຫຼຸດອັດຕາດອກເບ້ຍນະໂຍບາຍສູ່ລະດັບຕິດລົບພາຍໃນທ້າຍປີນີ້.

----------

ໜັງສືພິມເສດຖະກິດ-ສັງຄົມ

แชร์