ຍອດຂາຍລົດໃນເອີຣົບຫຼຸດລົງຫຼາຍກວ່າ 76%

ຍອດຂາຍລົດໃນເອີຣົບ ເດືອນເມສາປີ 2020 ທີ່ຜ່ານມາ ຫຼຸດລົງຫຼາຍກວ່າ 76% ຫຼາຍສຸດ ເປັນປະຫວັດສາດ ເນື່ອງຈາກການ ແຜ່ລະບາດຂອງເຊື້ອພະຍາດໂຄ ວິດ-19.

 ຕາມຂ່າວຕ່າງປະເທດລາຍ ງານວ່າ ສະມາຄົມຜູ້ຜະລິດລົດ ແຫ່ງເອີຣົບ (ເອຊີອີເອ) ໄດ້ປະກາດຕົວເລກຍອດຂາຍລົດໃນວັນທີ19 ພຶຶດສະພາປີ 2020 ພົບວ່າ ຍອດຂາຍລົດໃນທະວີບເອີຣົບປະຈຳເດືອນເມສາທີ່ຜ່ານມາຫຼຸດລົງຫຼາຍ ກວ່າ 76,3% ເມື່ອທຽບກັບໄລຍະເວລາດຽວກັນຂອງປີ 2019 ເນື່ອງຈາກມາດຕະການປິດປະເທດສົ່ງຜົນເຮັດໃຫ້ຮ້ານຂາຍລົດ ແລະໂຮງງານຈຳເປັນຕ້ອງຢຸດ ການດຳເນີນງານຊົ່ວຄາວ ໂດຍ ທາງເອຊີອີເອປະກາດວ່າ ຈາກ ມາດຕະການປິດປະເທດບັງຄັບໃຊ້ ໃນເດືອນເມສາ ສົ່ງຜົນເຮັດໃຫ້ຍອດຂາຍລົດຫຼຸດລົງຫຼາຍທີ່ສຸດເປັນປະ ຫວັດສາດນັບຕັ້ງແຕ່ມີການເກັບຂໍ້ມູນສະຖິິຕິດັ່ງກ່າວ ໂດຍພົບວ່າ ຍອດຂາຍລົດຈາກລະດັບ 1,14 ລ້ານຄັນ ຊຶ່ງເປັນຕົວເລກຍອດຂາຍ ໃນເດືອນເມສາປີ 2019 ລົງສູ່ລະດັບພຽງ 270.682 ຄັນເທົ່ານັ້ນ.

 ທັງນີ້ ລາຍງານລະບຸວ່າ ເຢຍ ລະມັນຊຶ່ງມີເສດຖະກິດທີ່ເພີ່ງພາອຸດສາຫະກຳລົດເປັນປະເທດທຳອິດໃນເອີຣົບທີ່ອະຍຸຍາດໃຫ້ຮ້ານ ແລະໂຮງງານຜະລິດລົດເລີ່ມກັບມາດຳເນີນງານໃນວັນທີ 20 ພຶດສະພານີ້ ໂດຍອຸດສາຫະກຳລົດຂອງປະເທດໄດ້ຮັບບຜົນກະທົບໜັກສົ່ງຜົນໃຫ້ຜູ້ບໍລິຫານຂອງຄ່າຍລົດຮຽກຮ້ອງມາດຕະການຊ່ວຍເຫຼືອຈາກລັດຖະບານ.

-----------

ໜັງສືພິມເສດຖະກິດ-ສັງຄົມ

 

แชร์