ໄຊຍະບູລີ ເກັບກູ້ພືດລະດູແລ້ງສໍາເລັດແລ້ວ 80%

  ການເກັບກູ້ພືດລະດູແລ້ງຂອງຊາວກະສິກອນແຂວງໄຊຍະບູລີ ແມ່ນໄດ້ເລີ່ມມາແຕ່ຕົ້ນເດືອນເມສາຮອດປະຈຸບັນແມ່ນສໍາເລັດແລ້ວ 80% ຄາດວ່າການເກັບກູ້ຜົນຜະລິດດັ່ງກ່າວຈະໃຫ້ສໍາເລັດໃນທ້າຍເດືອນພຶດສະພານີ້, ຕາມການໃຫ້ຂໍ້ມູນຈາກຂະແໜງປູກຝັງພະແນກກະສິກໍາ ແລະປ່າໄມ້ແຂວງໄຊຍະບູລີ ໃຫ້ຮູ້ວ່າ: ການຜະລິດ ລະດູແລ້ງປີນີ້ແຂວງໄຊຍະບູລີມີ ແຜນປູກທັງໝົດ 16.891 ເຮັກຕາ ໃນນີ້ປູກເຂົ້ານາແຊງມີທັງໝົດ 2.300 ເຮັກຕາ, ປະຕິບັດຕົວຈິງໄດ້ 2.308 ເຮັກຕາ ເທົ່າ ກັບ 100,35% ເມື່ອທຽບໃສ່ປີຜ່ານມາເນື້ອທີ່ເພີ່ມຂຶ້ນ 95,04 ເຮັກຕາ ຄາດຄະເນຜົນຜະລິດສະມັດຕະພາບສະເລ່ຍ 6,66 ໂຕນຕໍ່ເຮັກຕາ, ຄາດຄະເນຜົນຜະ ລິດທັງໝົດ 97.217 ໂຕນ.

  ມາຮອດປະຈຸບັນສາມາດເກັບກູ້ໄດ້ແລ້ວ 1.803 ເຮັກຕາ ເທົ່າກັບ 78,39% ສະເພາະປີນີ້ແຂວງໄຊຍະບູລີໄດ້ສົມທົບ ແລະດຶງດູດນັກລົງທຶນຊາວຈີນ, ຊຸກຍູ້ສົ່ງເສີມການປູກເຂົ້າເພື່ອເປັນແນວພັນໃນເນື້ອທີ່ 51,52 ເຮັກຕາ ຢູ່ເມືອງພຽງດ້ວຍຮູບການຜູກພັນສັນຍາ 2 ສົ້ນຄືປະຊາຊົນເປັນພື້ນທີ່ ແລະແຮງງານສ່ວນຜູ້ປະກອບການເປັນ ແນວພັນເຕັກນິກ ແລະການຕະຫຼາດ,ການຜະລິດເຂົ້ານາແຊງປີນີ້ເພີ່ມຂຶ້ນຍ້ອນວ່າພະແນກກະສິກໍາ ແລະປ່າໄມ້ແຂວງຂະແໜງການທີ່ກ່ຽວຂ້ອງມີການວາງແຜນຮ່ວມກັບຫ້ອງການກະສິກໍາ ແລະ ປ່າໄມ້ເມືອງ, ລົງຊຸກຍູ້ສົ່ງເສີມການ ຜະລິດຂອງປະຊາຊົນແຕ່ຫົວທີ ແລະເນື່ອງຈາກລະດູການນາປີຜ່ານມາການຈໍາໜ່າຍຜົນຜະລິດ ເຂົ້າແມ່ນມີລາຄາສູງກວ່າທຸກໆປີ, ດັ່ງນັ້ນລະດູນາແຊງປີນີ້ຈຶ່ງເຮັດ ໃຫ້ປະຊາຊົນຫັນມາປູກເຂົ້ານາແຊງເປັນຈໍານວນຫຼວງຫຼາຍ, ສ່ວນການຜະລິດພືດລະດູແລ້ງມີເນື້ອທີ່ທັງໝົດ 14.591 ເຮັກຕາປະຕິບັດຕົວຈິງໄດ້ 23.617 ເຮັກຕາ ເທົ່າກັບ 161,87% ລື່ນແຜນການ ແລະມາຮອດປະຈຸບັນແມ່ນເກັບກູ້ສໍາເລັດແລ້ວ 23.152 ເຮັກຕາ ເທົ່າກັບ 98,03% ຄາດວ່າການເກັບກູ້ພືດລະດູແລ້ງຂອງຊາວກະສິກອນທົ່ວແຂວງໄຊຍະບູລີແມ່ນຈະໃຫ້ສໍາເລັດໃນທ້າຍເດືອນພຶດສະພາຫາຕົ້ນເດືອນມິຖຸນາ 2020.

  ນອກນີ້ແຂວງໄຊຍະບູລີ ຍັງໄດ້ກະກຽມການຜະລິດພືດລະດູຝົນເພື່ອໃຫ້ທັນກັບເວລາ ແລະລະດູການເປັນຕົ້ນການຕົກກ້າ, ກຽມດິນ, ໃສ່ເຂົ້າໄຮ່ ແລະການປູກພືດອື່ນໆ ເຫັນວ່າເປັນຂະບວນຟົດຟື້ນ; ຊຶ່ງໃນທົ່ວແຂວງມີເນື້ອທີ່ປູກພືດທັງ ໝົດ 154,041 ເຮັກຕາ ໃນນີ້ເຂົ້ານາປີໃຫ້ໄດ້ 34.287 ເຮັກຕາ, ຄາດຄະເນສະມັດຕະພາບສະເລ່ຍ4,50 ໂຕນຕໍ່ເຮັກຕາ ແລະຄາດຄະເນຜົນຜະລິດ 154.290 ໂຕນ,ປະຈຸບັນຕົກກ້າສໍາເລັດແລ້ວ 1.109  ກິໂລເທົ່າກັບ 46,94%, ກຽມດິນໄດ້ 2.431 ເຮັກຕາ ເທົ່າກັບ 7,49%, ປັກດໍາສໍາເລັດແລ້ວ 26,5 ເຮັກຕາ ເທົ່າກັບ0,08%, ການປູກພືດຕ່າງໆໃນເນື້ອທີ່ແຜນການທັງໝົດ 113,554 ເຮັກຕາ ຄາດຄະ ເນສະມັດຕະພາບສະເລ່ຍ 12,34 ໂຕນຕໍ່ເຮັກຕາຄາດຄະເນຜົນຜະລິດໄດ້ 1.401 ໂຕນ, ປະຈຸບັນປະຕິບັດສໍາເລັດແລ້ວ 36.937 ເຮັກຕາເທົ່າກັບ 32,53%,  ເຂົ້າໄຮ່ເນື້ອທີ່ແຜນການມີທັງໝົດ 10.200 ເຮັກຕາ ຄາດຄະເນສະມັດຕະພາບສະເລ່ຍ 2,26 ໂຕນຕໍ່ເຮັກຕາ, ຄາດຄະເນຜົນຜະລິດ 23.052 ໂຕນ, ປະຈຸບັນປະຕິບັດໄດ້ແລ້ວ 3.536 ເຮັກຕາ ເທົ່າກັບ 34,67%.

______________

ຂຽນໂດຍ: ບຸນທີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์