ທົ່ວໂລກຕິດເຊື້ອໂຄວິດເກືອບ 4,9 ລ້ານຄົນ

 ຕາມເວັບໄຊ worldometers.info ລະບຸວ່າ ໄລ່ຮອດເວລາ 8 ໂມງເຊົ້າຂອງວັນທີ 19 ພຶດສະພາ (ຕາມເວລາຂອງບ້ານເຮົາ), ທົ່ວໂລກມີຜູ້ຕິດເຊື້ອພະຍາດໂຄວິດ-19 ທັງໝົດ ເກືອບ 4,9 ລ້ານຄົນ, ໃນນັ້ນ ມີເກືອບ 320.000 ກໍລະນີເສຍຊີວິດ. ຈໍານວນຜູ້ຕິດເຊື້ອທີ່ໄດ້ຮັບການປິ່ນປົວຫາຍດີເປັນປົກກະຕິ ແລະອອກໂຮງ ໝໍແມ່ນ 1,9 ລ້ານຄົນ.

 ອາເມລິກາຍັງຄົງແມ່ນປະເທດຖືກຜົນສະທ້ອນໜັກໜ່ວງທີ່ສຸດຈາກໂລກລະບາດດັ່ງກ່າວດ້ວຍຈໍານວນຜູ້ຕິດເຊື້ອແມ່ນ 1.550.080 ຄົນ ແລະ ມີເກືອບ 92.000 ຄົນເສຍຊີວິດ. ບຣາຊີນແມ່ນປະເທດຢືນອັນດັບທີ 2 ໃນໂລກກ່ຽວກັບຈໍານວນຕົວເລກຜູ້ຕິດເຊື້ອໃໝ່ (14.288 ກໍລະນີ) ແລະຈໍານວນຕົວເລກຜູ້ເສຍຊີວິດໃໝ່ (735 ກໍລະນີ). ສະພາບການໂລກລະບາດຢູ່ ອິນເດຍ ພວມມີສັນຍານເພີ່ມຂຶ້ນດ້ວຍ 4.642 ກໍລະນີຕິດເຊື້ອໃໝ່ພາຍໃນ 1 ວັນ ແລະ131 ກໍລະນີເສຍຊີວິດ. ໄລ່ຮອດປະຈຸບັນ, ຈໍານວນຜູ້ ຕິດເຊື້ອພະຍາດໂຄວິດ-19 ຢູ່ ອິນເດຍໄດ້ເພີ່ມຂຶ້ນເຖິງຫຼາຍກວ່າ 100.000 ຄົນແລ້ວ.

   ໃນຂະນະນັ້ນ, ຫຼາຍປະເທດຄື ອີຣານ, ອາຣັບບິ ຊະອຸດິ, ຈີເລ, ປາກິດສະຖານ, ເມັກຊິກກໍ່ໄດ້ຢັ້ງຢືນຈໍານວນຜູ້ຕິດເຊື້ອໃໝ່ພາຍໃນ 1 ວັນແມ່່ນຫຼາຍໜ້ອຍກວ່າ 2.000 ກໍລະນີ, ອັນໄດ້ວາງອອກສິ່ງທ້າທາຍໃນວຽກງານປ້ອງກັນ ແລະ ສະກັດກັ້ນໂລກລະບາດ ເມື່ອຫຼາຍປະເທດເຫຼົ່ານີ້ ໄດ້ເລີ່ມຍົກເລີກບັນດາມາດຕະການປ້ອງກັນໃນ ໄລຍະເກີດໂລກລະບາດ.

------

ໜັງສືພິມເສດຖະກິດ-ສັງຄົມ

แชร์