ເຢຍລະມັນ-ຝຣັ່ງ ສະເໜີຕັ້ງກອງທຶນ 5 ຮ້ອຍຕື້ເອີໂຣ

  ຜູ້ນໍາເຢຍລະມັນ ແລະຝຣັ່ງ ສະເໜີຕັ້ງກອງທຶນ 5 ຮ້ອຍຕື້ເອີໂຣ ເພື່ອຊ່ວຍຟື້ນຟູສະຫະພາບເອີຣົບ ຈາກວິກິດການແຜ່ລະບາດຂອງ ເຊື້ອພະຍາດໂຄວິດ-19.

  ຕາມຂ່າວຕ່າງປະເທດລາຍ ງານວ່າ ທ່ານ ນາງ ອັັງເກລາ ແມເຄິລ ນາຍົກລັດຖະມົນຕີຂອງ ເຢຍລະມັນ ແລະທ່ານ ເອມານູແອລ ມາຄົງ ປະທານາທິບໍດີຂອງຝຣັ່ງ ຫາລືຮ່ວມກັນທາງໂທລະສັບກ່ຽວ ກັບເສດຖະກິດຂອງສະຫະພາບເອີ ຣົບທີ່ໄດ້ຮັບຜົນກະທົບຢ່າງໜັກ ຈາກການແຜ່ລະບາດ ແລະໄດ້ຖະແຫຼງຫຼັງການຫາລືວ່າ ຈະສະໜັບສະໜູນແຜນການຈັດຕັ້ງກອງທຶນ ຟື້ນຟູເພື່ອຊ່ວຍພາກພື້ນ ແລະກຸ່ມອຸດ ສາຫະກຳທີ່ໄດ້ຮັບຜົນກະທົບຈາກ ການລະບາດໜັກທີ່ສຸດ, ຜູ້ນໍາຝຣັ່ງ ລະບຸວ່າ ການຈັດຕັ້ງກອງທຶນເປັນ ກົນລະຍຸດທົ່ວໄປຂອງສະຫະພາບ ເອີຣົບໃນການຊົດເຊີຍງົບປະມານ ແລະຈະເປັນບາດກ້າວສຳຄັັນສຳ ລັບອະນາຄົດ ໂດຍພາຍໃຕ້ແຜນການດັ່ງກ່າວຄະນະກຳມາທິການ ເອີຣົບ ຊຶ່ງເປັນຝ່າຍບໍລິຫານຈະລະດົມເງີນຈາກຕະຫຼາດການເງິນ ຂະນະທີ່ຜູ້ນໍາເຢຍລະມັນເນັ້ນໜັກ ວ່າເປົ້າໝາຍສຳຄັນຄື: ການເປັນເອີ ຣົບທີ່ເຂັ້ມແຂງ ແລະມີເອກະພາບ ເພື່ອເອົາຊະນະວິກິດ ຊຶຶ່ງຕ້ອງໃຊ້ ຄວາມພະຍາຍາມພິເສດແຕ່ເຢຍ ລະມັນແລະຝຣັ່ງພ້ອມແລ້ວ.

 ໃນກອງປະຊຸມໃນເດືອນທີ່ ຜ່ານມາ ບັນດາຜູ້ນໍາຂອງສະຫະພາບເອີຣົບໄດ້ຫາລືເຖິງແຜນການ ຈັດຕັ້ງກອງທຶນ ເພື່ອຟື້ນຟູເສດຖະກິດຂອງສະຫະພາບ ແຕ່ບໍ່ສາມາດຫາຂໍ້ສະຫຼຸບເລື່ອງຂະໜາດຂອງ ກອງທຶນໄດ້.

-------

ໜັງສືພິມເສດຖະກິດ-ສັງຄົມ

แชร์