ແອບັສຈະຕິດຕັ້ງເຊນເຊີດົມກິ່ນກວດຈັບລະເບີດ ຈາກຜູ້ໂດຍສານໃນທ້າຍປີນີ້

  Airbus ມີແຜນທີ່ຈະຕິດຕັ້ງ ເຊນເຊີຮູບຮ່າງເໝືອນແມງກະພຸນ ໂດຍເຮັດໜ້າທີ່ເປັນຮູດັງເອເລັກໂຕຣນິກທີ່ໃຊ້ເຊວຊີວະພາບເພື່ອ ຮຽນແບບຄວາມສາມາດຂອງໝາດົມກິ່ນກວດຫາວັດຖຸລະເບີດ ຊຶ່ງ ພັດທະນາໂດຍບໍລິສັດເກີດໃໝ່ໃນ Silicon Valley ທີ່ຊື່ວ່າ Konoku ແລະຈະຕິດຕັ້ງອຸປະກອນກວດຈັບກິ່ນນີ້ໄວ້ໃນອຸໂມງຄັດກອງໃນສະໜາມບິນໃນທ້າຍປີນີ້.

  ເຕັກໂນໂລຊີນີ້ໄດ້ສ້າງໜ່ວຍປະມວນຜົນຈາກຊິລິກອນທີ່ເສີມດ້ວຍ ເຊລທີ່ມີຊີວິດ ແລະສາມາດກວດ ຈັບກິ່ນໄດ້ເໝືອນກັບການສູດດົມອາກາດຫາຍໃຈ ແລະບອກທ່ານ ໄດ້ວ່າມີກິ່ນຫຍັງ ໂດຍການດັດແປງ ພັນທຸກຳເຊວຕ່າງໆ ບໍ່ວ່າຈະເປັນ Hek cell ເຊວຕົວອ່ອນໃນໄຕປົກກະຕິຂອງມະນຸດ ຫຼື Astrocytes ເຊວຊ່ວຍຄວບຄຸມປະລິມານສານ ເຄມີຕ່າງໆ ທີ່ຢູ່ຮອບເຊວປະສາດ ແລະBrain cells ເຊວສະໝອງ ເພື່ອສ້າງເປັນຕົວຮັບກິ່ນສານປະ ກອບໂມເລກູນ ແລະສາມາດຕອບ ສະໜອງຢ່າງວ່ອງໄວພາຍໃນ 10 ວິນາທີ (ໃນສະພາວະທີ່ດີທີ່ສຸດ).

ໃນການແຜ່ລະບາດຂອງ CO VID-19 ບໍລິສັດຍັງຢູ່ໃນການສຳຫຼວດຄວາມສາມາດຂອງເຊນເຊີ ໃນການກວດຈັບສິ່ງອັນຕະລາຍທາງຊີວະພາບເພື່ອກວດຫາຜູ້ຕິດເຊື້ອໄວຣັດນອກຈາກນີ້ບໍລິສັດ Konoku ຍັງມີຜະລິດຕະພັນດ້ານຄວາມປອດໄພເຊັ່ນແອັບພລິເຄຊັນທາງການແພດດ້ວຍຕົວດົມກິ່ນທີ່ສາມາດກວດຈັບສັນຍານຂອງໂລກ ມະເຮັງ.

 ຊຶ່ງມີວິທີການດຽວກັບການຝຶກ ຝົນໝາໃຫ້ສາມາດກວດຫາມະເຮັງຕ່ອມລູກໝາກໃນຕົວຢ່າງນໍ້າຍ່ຽວ ຂອງຄົນເຈັບບໍ່ໄດ້ສະແດງອາການ ໄດ້ຢ່າງຖືກຕ້ອງດັ່ງນັ້ນເມື່ອທ່ານ ຕື່ນເຊົ້າມາແລ້ວດົມເອົາອຸປະກອນຕົວນີ້ມັນກໍຈະເຮັດການວິເຄາະຂໍ້ມູນຈາກການອັບໂຫຼດຢ່າງຕໍ່ເນື່ອງ ແລະສາມາດສະແດງຜົນສະພາວະສຸຂະພາບຂອງທ່ານໃຫ້ຊາບ.

  ຫຼັງຈາກເກີດເຫດການໂຈມຕີ ດ້ວຍເຮືອບິນເມື່ອວັນທີ 11 ກັນ ຍາ 2001 ໃນອາເມລິກາ ຈຶ່ງໄດ້ ການໃຊ້ອຸປະກອນກວດຈັບຢ່າງແຜ່ ຫຼາຍໂດຍໃຊ້  Puffer machines ເມື່ອຜູ້ເດີນທາງຜ່ານປະຕູທີ່ມີລົມເປົ່າກໍຈະນຳເອົາອະນຸພາກຈາກເສື້ອຜ້າແລະຮ່າງກາຍມາກວດຫາຮ່ອງຮອຍຂອງວັດຖຸລະເບີດແຕ່ໃນປີ 2010 ກັບມອງວ່າບໍ່ນ່າເຊື່ອຖື ແລະມີຄ່າບຳລຸງຮັກສາສູງ.

-------

ໜັງສືພິມເສດຖະກິດ-ສັງຄົມ

แชร์