ຜູ້ນໍາຈີນໃຫ້ຄຳໝັ້ນຈະໃຫ້ວັກແຊງເຂົ້າເຖິງທົ່ວໂລກ

 ຜູ້ນໍາສປ ຈີນກ່າວໃນກອງປະຊຸມອອນລາຍຄັ້ງທຳອິດຂອງອົງການອະນາໄມໂລກໃນວັນທີ 18ພຶດສະພາຜ່ານມາ ໂດຍໃຫ້ຄຳໝັ້ນຈະເປີດໂອກາດໃຫ້ປະເທດອື່ນໆເຂົ້າເຖິງວັກແຊງ.

  ຕາມຂ່າວຕ່າງປະເທດລາຍງານວ່າ ທ່ານ ສີ ຈິ້ນຜິງ ປະທານປະເທດຂອງຈີນ ກ່າວວ່າ ຈະເປີດໂອກາດໃຫ້ປະເທດອື່ນໆເຂົ້າເຖິງວັກແຊງຢ່າງແນ່ນອນຖ້າຫາກຈີນພັດທະນາໄດ້ສຳເລັດ, ໂດຍການພັດທະນາ ແລະການໃຊ້ວັກແຊງໂຄວິດ-19 ເມື່ອກາຍເປັນຄວາມຈິງແລ້ວ ໃນຈີນຈະເປັນສິນຄ້າທີ່ເຂົ້າເຖິງໄດ້ທົ່ວໂລກ ຊຶ່ງຈະເປັນການຊຸກຍູ້ຂອງຈີນໃນການຮັບຮອງກການເຂົ້າເຖິງວັກແຊງ ແລະຄວາມສາມາດໃນການເຂົ້າເຖິງວັກແຊງຂອງປະເທດກຳລັງພັດທະນາ.ຜູ້ນໍາຈີນຍັງສະໜັບສະໜູນການສືບສວນແຫຼ່ງທີ່ມາຂອງໄວຣັສຂອງປະຊາຄົມໂລກ ແລະເຮົາຈໍາເປັນຕ້ອງຮ່ວມມືກັບສາກົນກ່ຽວກັບວິທີທົດລອງ, ການປິ່ນປົວ ແລະວິໄຈ ,ພັດທະນາວັກແຊງ ແລະຢາ ຈຳເປັນຕ້ອງສະໜັບສະໜູນການວິໄຈທົ່ວໂລກ ໂດຍນັກວິທະຍາສາດ ກ່ຽວກັບແຫຼ່ງທີ່ມາ ແລະການແຜ່ກະຈາຍຂອງໄວຣັສ.

 

 ນອກຈາກນີ້ທ່ານສີ ຈິ້ນຜີງຍັງໃຫ້ຄຳໜັ້ນວ່າ ຈີນຈະມອບເງີນ 2 ຕື້ໂດລາສະຫະລັດໃນໄລຍະ 2 ປີເພື່ອຕໍ່ສູ້ກັບໄວຣັສ ລວມທັງສະໜັບສະໜູນການພັດທະນາເສດຖະກິດ ແລະສັງຄົມໃນປະເທດທີ່ໄດ້ຮັບຜົນກະທົບໂດຍສະເພາະປະເທດທີ່ກຳລັງພັດທະນາ.

--------

ໜັງສືພິມເສດຖະກິດ-ສັງຄົມ

แชร์