ຂ່າວດີ! ການທົດລອງວັກແຊງໂຄວິດຄືບໜ້າ

 ຜົນການທົດລອງວັກແຊງຕ້ານເຊື້ອພະຍາດໂຄວິດ-19ຂອງບໍລິສັດ ໂມເດີນາ ໃນຂັ້ນຕົ້ນຊີ້ວ່າ ຜູ້ຮັບວັກແຊງມີຄວາມປອດໄພ ແລະສ້າງພູມຕ້ານທານໄວຣັັສຊະນິດນີ້ໃນລະດັບທີ່ເທົ່າຫຼືຫຼາຍກວ່າທີ່ກວດພົບໃນກໍລະນີຂອງຄົນເຈັບໂຄວິດທີ່ຫາຍດີແລ້ວ.

 ຕາມຂ່າວຕ່າງປະເທດລາຍງານວ່າ ທ່ານ ທານ ແຊັກ ຫົວໜ້າເຈົ້າໜ້າທີ່ແພດຂອງບໍລິສັດ ໂມເດີນາອິງ ບໍລິສັດຂະໜາດໃຫຍ່ດ້ານເຕັກໂນໂລຊີວະພາບຂອງອາເມລິກາ ໄດ້ອອກມາເປີດເຜີຍເຖິງຜົນສຳເລັດຂອງການທົດລອງວັກແຊງຕ້ານເຊື້ອໂຄວິດ-19ກັບມະນຸດວ່າ ຜົນການທົດລອງວັກແຊງດັ່ງກ່າວມີຊື່ວ່າ mRNA-1273 ຊຶ່ງ ໂມເດີນາ ພັດທະນາຮ່ວມກັບສະຖາບັນສຸຂະພາບແຫ່ງຊາດ(NIH)ຂອງອາເມລິກາເບື້ອງຕົ້ນພົບວ່າ ຜູ້ທີ່ຮັັບວັກແຊງໄດ້ສານພູມຄຸ້ມກັນຫຼືແອນນຕິບໍດີ້ ສຳລັບຕ້ານໄວຣັສຊະນິດນີ້ຂຶ້ນມາ,ນີ້ເປັນຂ່າວດີຫຼາຍ ແລະເປັນຂ່າວດີທີ່ຫຼາຍໆຄົນລໍຄອຍມາດົນ ຖ້າຫາການສຶກສາທົດລອງໃນອະນາຄົດເປັນໄປດ້ວຍດີ ວັກແຊງຂອງບໍໍລິສັດອາດພ້ອມຈໍໍາໜ່າຍສູ່ສາທາລະນະຢ່າງໄວທີ່ສຸດໃນເດືອນມັງກອນປີ 2021.

  ການທົດລອງນີ້ມີຂຶ້ນໃນເດືອນມີນາຜ່ານມາ ໂດຍໃຫ້ວັກແຊງຄົນລະ 2 ເທື່ອເວັ້ນໄລຍະຫ່າງຄັ້ງລະ 28 ວັນ ກັບຜູ້ເຂົ້າຮ່ວມການທົດລອງ 45 ຄົນ ແບ່ງເປັນ 3 ກຸ່ມແລ້ວໃຫ້ວັກແຊງແຕ່ລະກຸ່ມຕາມລໍາດັບ ຫຼັງຈາກໃຫ້ວັກແຊງຄັ້ງທີ່ສອງກໍກວດວັດປະລິມານສານພູມຕ້ານທານໃນຮ່າງກາາຍຂອງຜູ້ເຂົ້າຮ່ວມທຸກຄົນພົົບວ່າ ທັັງໝົດປອດໄພດີ ແລະສາມາດສ້າງພູມຕ້ານທານຂຶ້ນມາ.

-------

ໜັງສືພິມເສດຖະກິດ-ສັງຄົມ

แชร์