ບຣາຊິນມີບົດບາດດ້ານປະລິມານ-ລາຄານໍ້າຕານໂລກ

   ຜູ້ຜະລິດນໍ້າຕານໂລກຈັບຕາເບີ່ງບຣາຊິນ ຕົວປ່ຽນສຳຄັນທີ່ມີບົດບາດກັບຕະຫຼາດນໍ້າຕານໃນຂະນະນີ້ ທັງໃນດ້ານປະລິມານນໍ້າຕານທີ່ເປັນຜູ້ຜະລິດ ແລະສົ່ງອອກລາຍໃຫຍ່ຂອງໂລກ ລວມທັງຜູ້ມີບົດບາດໃນການກຳນົດລາຄາໃນຕະຫຼາດໂລກໃນໄລຍະການແຜ່ລະບາດຂອງເຊື້ອໂຄວິດ-19.

  ຕາມຂ່າວຕ່າງປະເທດລາຍງານວ່າ ເປັນທີ່ຮູ້ກັນດີວ່າ ບຣາຊິນມີບົດບາດເໜືອກວ່າຜູ້ໃດໃນອຸດສາຫະກຳອ້ອຍ ແລະນໍໍ້າຕານ ຍິ່ງເວລານີ້ ການຄ້າຂາຍທ່າມກາງທົ່ວໂລກພວມຕໍ່ສູ້ກັບການແຜ່ລະບາດຂອງເຊື້້ອໂຄວິດ-19ນັ້ນຍິ່ງລໍາບາກ ເມື່ອເນັ້ນໜັກໄປຍັງຜູ້ຜະລິດ ແລະສົ່ງອອກນໍ້າຕານອັນດັບ 1ຂອງໂລກຄື: ບຣາຊິນ ທີ່ເວລານີ້ທົ່ວໂລກຳລັງຈັບຈ້ອງ ທັງໃນດ້ານວິກິດ ແລະໂອກາດ ໃນສະຖານະການທີ່ທົ່ວໂລກຕ່າງປະເຊີນກັບບັນຫາການແຜ່ລະບາດຂອງເຊື້້ອໂຄວິດ-19, ຊຶ່ງບຣາຊິນມີບົດບາດສຳຄັັນໃນອຸດສາຫະກຳອ້ອຍ ແລະນໍ້າຕານ ທັງໃນດ້ານປະລິມານ ແລະລາຄາ ຍິ່ງມີຄວາມໄດ້ປຽບກວ່າປະເທດອື່ນ ໂດຍສະເພາະການສົ່ງອອກຂອງບຣາຊິນທີ່ຄ່າເງີນຣຽວເອື້ອຍອຳນວຍຕໍ່ການສົ່ງອອກຫຼາຍ ສົ່ງອອກໄປທົ່ວໂລກຂາຍໄດ້ລາຄາ 10ເຊນຕໍ່ປປອນ ໂດຍສົ່ງອອກຈະໄດ້ປຽບທົບສອງເທົ່າ ເມື່ອທຽບກັບເງີນບຣາຊິນອ່ອນຄ່າລົງ, ດັ່ງນັ້ນນອກຈາກປະລິມານແລ້ວ ທ່າອຽງລາຄານໍ້າຕານໃນຕະຫຼາດໂລກກໍ່ຂຶ້ນຢູ່ກັບບຣາຊິນທີ່ເປັນຕົວປ່ຽນສຳຄັນໃນຂະນະນີ້ ເພາະເປັນປະເທດດຽວທີ່ຜະລິດນໍ້າຕານເພີ່ມຂຶ້ນ.

  ສິ່ງທີ່ໜ້າຈັບຕາຫຼັງຈາກທີ່ລາຄານໍ້າຕານເພີ່ມຂຶ້ນໃນກາງເດືອນກຸມພາຜ່ານມາ ຂຶ້ນໄປສູງກວ່າ 15 ເຊັນຕໍ່ປອນ ທຽບກັບເດືອນພຶດສະພາທີ່ຫຼຸດລົງມາຢູ່ທີ່ 10,1​-10,2 ເຊັນຕໍ່ປອນ ຈາກລາຄາທີ່ເຄີຍຢູ່ຈຸດຕໍ່າສຸດ 9,05 ເຊັນຕໍ່ປອນທ້າຍເດືອນເມສາທີ່ຜ່ານມາ ແລະຖ້າຫາກການສົ່ງອອກຂອງບຣາຊິນມີຂໍ້ຈຳກັດເກີດຂຶ້ນ ລາຄານໍ້າຕານໂລກອາດກັບມາເພີ່ມສູງຂຶ້ນຫຼາຍກວ່າ 11 ເຊັນຕໍ່ປອນໄດ້.

--------

ໜັງສືພິມເສດຸະກິດ-ສັງຄົມ

แชร์