ມຽນມາຢຶດເຟນທານິນຈຳນວນມະຫາສານ

  •  ຕຳຫຼວດມຽນມາຢຶດຢາເຟນທານິນຊະນິດນໍ້າປະລິມານມະຫາສານ ໃນລັດສານ ທາງພາກຕາເວັນອອກສຽງເໜືອຂອງປະເທດ ຊຶ່ງນັບເປັນຄັ້ງທຳອິດທີ່ພົບສານເສບຕິດອັນຕະລາຍຊະນິດນີ້.

 ຕາມຂ່າວຕ່າງປະເທດລາຍງານໃນວັນທີ 18 ພຶດສະພາຜ່ານມາວ່າ ຕຳຫຫຼວດປາບປາມຢາເສບຕິດມຽນມາຢຶດເມທິນເຟນທານີນໄດ້ຫຼາຍກວ່າ 3.700 ລິດ ໃຫ້ໝູ່ບ້ານແຫ່ງໜຶ່ງໃນລັດສານ ທາງພາກຕາເວັນອອກສຽງເໜືອຂອງປະເທດ ເປັນສັນຍານວ່າ ກຸ່ມຄ້າຢາເສບຕິດໃນອາຊີເລີ່ມປ່ຽນໄປຄ້າຂາຍຢາເສບຕິດໃນກຸ່ມໂອປີອອຍທີ່ມີມູນຄ່າສູງ ຊຶ່ງສຳນັກກງານຢາເສບຕິດ ແລະອາດຊະຍາກໍາແຫ່ງສະຫະປະຊາຊາດເປີດເຜີຍວ່າ ທະຫານ ແລະຕຳຫຼວດມຽນມາໃຊ້ເເວລາປະຕິບັດໜ້າທີ່ດົນສອງເດືອນຈົນສາມາດທຳລາຍ ແລະຢຶດຢາເສບຕິດໄດ້ຈຳນວນຫຼາຍ ໂດຍຢຶດໄດ້ພ້ອມກັບອຸປະກອນຜະລິດ, ອາວຸດ, ສານຕັ້ງຕົ້ນ ແລະຢາເສບຕິດອື່ນໆອີກຈຳນວນຫຼາຍເຊັ່ນ: ຢາບ້າ 17,5 ໂຕນລວມ 193 ລ້ານເມັດ ຫຼືເກືອບເທົ່າທີ່ຢຶດໄດ້ໃນມຽນມາໃນໄລຍະສອງປີທີ່ຜ່ານມາ ແລະຈັບກຸມຜູ້ກະທຳຜິດໄດ້ຫຼາຍກວ່າ 130 ຄົນ ຈາກການໃຫ້ປາກຄຳພົບວ່າ ຢາເສບຕິດສ່ວນໃຫຍ່ກະຈາຍຢູ່ມຽນມາ.

 ເຟນທານິນເປັນສານເສບຕິດທີ່ມີຄົນໃນອາເມລິກາ ແລະການາດາເສບເກີນຂະໜາດເຖິງຂັ້ນເສຍຊີວິດບໍ່ຕໍ່າກວ່າ 130.000 ຄົນໃນໄລຍະ 5 ປີທີ່ຜ່ານມາແຕ່ຍັງບໍ່ແຜ່ກະຈາຍໃນອາຊີ, ເອີຣົບ ເຈົ້າໜ້າທີ່ ສປຊ ລະບຸວ່າ ໄດ້ເຕືອນໂດຍຕະຫຼອດວ່າ ສານນີ້ຈະເປັນບັນຫາຂອງອາຊີໃນອີກບໍ່ດົນ ຊຶ່ງເຟນທານິນເປັນຢາບັນເທົາປວດທີ່ມີຄວາມຮຸນແຮງກວ່າເຮໂຣອິນ 25-50 ເທົ່າຜູ້ຄ້າຢາເສບຕິດມັກນໍາໄປປະສົມກັບຢາເສບຕິດອື່ນໆ ເພື່ອເພີ່ມລິດຢາ, ຜົນສຳຫຼວດໃນການາດາພົບວ່າ ຜູ້ກວດພົບເຟນທານິນໃນຮ່າງກາຍບໍ່ຮູ້ວ່າຕົນໄດ້ຮັບສານຊະນິດນີ້ເຂົ້າໄປ.

----

ໜັງສືພິມເສດຖະກິດ-ສັງຄົມ

แชร์