ເມືອງບົວລະພາ ເຄື່ອນໄຫວຕິດຕາມ, ຊຸກຍູ້ການເກັບກ່ຽວເຂົ້ານາແຊງ

 ວັນທີ 8 ພຶດສະພາ 2020 ທີ່ຜ່ານມາການນຳເມືອງບົວລະພານຳໂດຍທ່ານ ບຸນກວ້າງ ແກ້ວ ບຸນຍົງ ເຈົ້າເມືອງໆບົວລະພາພ້ອມດ້ວຍການນຳພາຍໃນເມືອງໄດ້ເຄື່ອນ ໄຫວຕິດຕາມ ແລະ ຊຸກຍູ້ຜົນການເກັບກ່ຽວເຂົ້ານາແຊງຂອງພໍ່ແມ່ປະຊາຊົນບ້ານຂະຍູ້ຊຶ່ງມີເນື້ອທີ່ທັງໝົດ 39 ເຮັກຕາ ແລະ ໃນປະຈຸບັນແມ່ນສາມາດເກັບກ່ຽວແລ້ວ 50% ຂອງເນື້ອທີ່ທັງໝົດໄດ້ດ້ວຍສະມັດຕະພາບ 4,21 ໂຕນຕໍ່ເຮັກຕາ ແລະໃນການມາຕິດຕາມ, ຊຸກຍູ້ຄັ້ງນີ້ທ່ານເຈົ້າເມືອງ ເມືອງບົວລະພາຍັງໄດ້ໂອ້ລົມ ແລະ ປຸກລະດົມໃຫ້ພໍ່ແມ່ປະຊາຊົນພາຍໃນບ້ານຂະຍູ້ຕ້ອງໄດ້ສືບຕໍ່ເພີ່ມທະວີໃນການປູກເຂົ້ານາແຊງໃນສົກປີຕໍ່ໜ້າສ່ວນປະຈຸບັນແມ່ນໃຫ້ສືບຕໍ່ການກະກຽມເນື້ອທີ່ເພື່ອປັກດຳເຂົ້ານາປີໃຫ້ທັນກັບສະພາບດີນຟ້າອາກາດເພື່ອສ້າງສະບຽງອາຫານໃຫ້ໝັ້ນຄົງ ແລະເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນພາຍໃນບ້ານໄດ້ຮັບການພັດທະນາທີ່ດີຂຶ້ນ ຈາກນັ້ນທ່ານເຈົ້າເມືອງເມືອງບົວລະພາພ້ອມດ້ວຍຄະນະທີມງານກໍ່ໄດ້ຢ້ຽມຢາມສຸກສາລາບ້ານຂະຍູ້ເພື່ອຢ້ຽມຢາມຖາມຂ່າວ ແລະເປັນຂວັນກຳລັງໃຈໃຫ້ກັບບັນດາແພດໝໍພາຍໃນສຸກສາລາໃນການບໍລິການປິ່ນປົວສຸຂະພາບຂອງພໍ່ແມ່ປະຊົນນຳອີກດ້ວຍ.

แชร์