ຫົງສາທຳລາຍຊິ້ນສ່ວນສັດປ່າຫວງຫ້າມ

  ອີງຕາມການລາຍງານຂອງພົນລະເມືອງດີໃຫ້ຮູ້ວ່າມີຜູ້ຄົນທີ່ບໍ່ຫວັງດີຊອກຫາລ່າເນື້ອສັດປ່າຫວງຫ້າມເອົາມາເປັນອາຫານຢູ່ທີ່ຂອບເຂດຄວາມຮັບຜິດຊອບຂອງບ້ານຫ້ວຍໄລ່ ເມືອງຫົງສາ ແຂວງ ໄຊຍະບູລີ, ດັ່ງນັ້ນຕົກມາຮອດເວລາ 8 ໂມງ ຂອງວັນທີ 7 ພຶດສະພາ 2020 ນີ້ທາງໜວ່ຍງານສືບສວນ-ສອບສວນກອງບັນຊາການ ປກສ ເມືອງຫົງສາໄດ້ລົງຕິດຕາມກວດກາ ແລະໄດ້ພົບເຫັນທັງ 3 ຄົນຄື ທ້າວວັນ, ທ້າວຈານແຮ ແລະທ້າວ ບຸນທັນ, ອາຊີບວ່າງງານສັນຊາດລາວຢູ່ບ້ານໂພນໄຊເມືອງຫົງສາ ແຂວງໄຊຍະ ບູລີ, ພ້ອມດ້ວຍຂອງກາງເປັນສັດປ່າປະ ເພດຫວງຫ້າມຄື ຟານແມ່ 1 ໂຕ, ຫອນ 1 ໂຕ ແລະປະເພດສັດປີກຈໍານວນໜື່ງຊຶ່ງອາວຸດທີ່ນໍາມາໃຊ້ລ່າເນື້ອໃນຄັ້ງນີ້ມີປືນປະດິດຍິງລູກອັດຈຳນວນ 1 ກະບອກ ແລະລົດຊິ້ງ 1 ຄັນ ເພື່ອຂັບໄປຫາເຂດດັ່ງກ່າວ,


  ພວກກ່ຽວທັງ 3 ຄົນໄດ້ສາລະພາບວ່າໄດ້ກະທໍາຜິດແທ້, ເມື່ອເຫັນເຫດການດັ່ງກ່າວທາງອໍານາດການປົກຄອງບ້ານຫ້ວຍໄລ ແລະເຈົ້າໜ້າທີ່ສືບສວນສອບສວນກອງບັນຊາການ ປກສ ເມືອງຫົງ ສາ ຈຶ່ງໄດ້ກັກຕົວພວກກ່ຽວທັງ 3 ມານໍາ ເນີນຄະດີຕາມຂັ້ນຕອນຂອງກົດໝາຍຢູ່ ສູນດັດສ້າງເມືອງຫົງສາ ແລະຕົກມາຮອດຕອນບ່າຍຂອງວັນທີ 8 ພຶດສະພາ 2020 ທີມງານໜ່ວຍສະເພາະກິດແກ້ໄຂປະກົດການຫຍໍ້ທໍ້ຂັ້ນເມືອງ ຈຶ່ງໄດ້ ຈັດພິທີທໍາລາຍຊິ້ນສ່ວນສັດປ່າປະເພດຫວງຫ້າມດັ່ງກ່າວໂດຍການໃຫ້ກຽດເຂົ້າຮ່ວມໃນພິທີຄັ້ງນີ້ມີທ່ານ ຈັນເພັງ ອູ່ທອງຄໍາ ຮອງເຈົ້າເມືອງຫົງສາມີສະຫາຍ ພັທ ຄໍາໜັ້ນ ໄຊສົງຄາມ ຮອງຫົວໜ້າກອງບັນຊາການ ປກສ ເມືອງ, ພ້ອມ ດ້ວຍພາກສ່ວນທີ່ກ່ຽວຂ້ອງຂອງເມືອງ ແລະຜູ້ກະທໍາຜິດເຂົ້າຮ່ວມ, ທັງນີ້ກໍເພື່ອເປັນການປະຕິບັດຕາມຂັ້ນຕອນຂອງກົດໝາຍດັ່ງນັ້ນພວກເຮົາທຸກຄົນຫ້າມລ່າ ສັດປ່າຫວງຫ້າມຈົ່ງພ້ອມກັນອານຸລັກປົກປັກສາໃຫ້ຢູ່ຄຽງຄູ່ກັບລະບົບນິເວດຕະຫຼອດໄປ.

แชร์