ໄຊສົມບູນສຳເລັດກອງປະຊຸມອົງການປົກຄອງປະຈຳໄຕມາດ I

  ກອງປະຊຸມອົງການປົກຄອງ ແຂວງໄຊສົມບູນ ປະຈຳໄຕມາດ I ແລະ ທິດທາງແຜນການປະຈໍາໄຕມາດ II ປີ 2020 ໄດ້ສຳເລັດລົງໃນຕອນບ່າຍຂອງວັນທີ 12 ພຶດ ສະພາ ພາຍຫຼັງທີ່ໄດ້ດໍາເນີນມາເປັນເວລາ 2 ວັນເຕັມທີ່ສະໂມສອນເມືອງອະນຸວົງໂດຍການເປັນປະທານຂອງທ່ານ ພົຕ ຄໍາລຽງ ອຸທະໄກສອນ ເຈົ້າແຂວງໄຊສົມບູນ, ມີຄະນະພັກແຂວງ, ສະພາປະຊາຊົນແຂວງ, ພ້ອມດ້ວຍພະແນກການ, ອົງການ, ກົມກອງອ້ອມຂ້າງແຂວງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.


  ກອງປະຊຸມອົງການປົກຄອງແຂວງໄຊສົມບູນ ປະຈຳໄຕມາດ I ແລະທິດທາງແຜນການປະຈໍາໄຕມາດ II ປີ 2020 ໄດ້ດໍາເນີນມາດ້ວຍບັນຍາກາດຟົດຟື້ນເຕັມໄປດ້ວຍເນື້ອໃນ ແລະ ອັດລົງດ້ວຍຜົນສໍາເລັດຕາມຈຸດປະສົງລະດັບຄາດໝາຍທີ່ວາງໄວ້ຕະຫຼອດໄລຍະໃນການດໍາເນີນກອງປະຊຸມບັນດາຜູ່ແທນໄດ້ເຊີດຊູຄວາມຮັບຜິດ ຊອບສູງໃນການລາຍງານ, ການຄົ້ນຄ້ວາປະກອບຄໍາຄິດ-ຄໍາເຫັນຢ່າງມີເຫດຜົນ, ມີເນື້ອໃນເລິກເຊິ່ງ ແລະກ້ວາງຂວາງພ້ອມທັງມີຄວາມເປັນເອກະພາບສູງໃນການຄົ້ນຄວ້າປຶກສາຫາລືບັນດາໜ້າວຽກຕ່າງໆ ທີ່ຈະຕ້ອງໄດ້ພ້ອມກັນສືບຕໍ່ຈັດຕັ້ງປະຕິບັດວຽກງານຮອບດ້ານໃນຕໍ່ໜ້າໃຫ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້ໂດຍສະ ເພາະແມ່ນວຽກງານພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະວຽກງານອື່ນໆກອງປະຊຸມຄັ້ງນີ້ຍັງເປັນການສະຫຼຸບຕີລາຄາຄືນການຈັດຕັ້ງປະຕິບັດວຽກງານຮອບດ້ານຂອງອົງການປົກຄອງແຂວງ, ຄົ້ນຄວ້າປຶກສາຫາລືແຜນການຜັນຂະຫຍາຍດໍາລັດ 414/ລບ ຂອງບັນດາພະແນກການທີ່ກ່ຽວຂ້ອງໂດຍສະເພາະແຜນວຽກຈຸດສຸມ 2020, ພ້ອມທັງຕີລາຄາການຈັດຕັ້ງປະຕິບັດແກ້ໄຂຜົນກວດກາຕາມຜົນການກວດສອບບັນດາໂຄງການລົງທຶນຂອງລັດ, ຕີ ລາຄາຄືນກ່ຽວກັບການປູກ ແລະ ບົວລະບັດຮັກສາຕົ້ນດອກບານຢູ່ຕາມເສັ້ນທາງເທສະບານແຂວງພ້ອມທັງຄົ້ນຄວ້າປຶກສາຫາລືແຜນການກະກຽມປູກຕົ້ນໄມ້ປະຈໍາປີ 2020 ທັງນີ້ກໍເພື່່ອເປັນການຊອກໃຫ້ເຫັນຜົນສໍາເລັດອັນພົ້ນເດັ່ນຕົວຈິງໃນແຕ່ລະດ້ານ, ຊອກໃຫ້ເຫັນຂໍ້ຄົງຄ້າງທີ່ບໍ່ທັນບັນລຸ ແລະສາເຫດທີ່ພາໃຫ້ຄົງຄ້າງເພື່ອພ້ອມ ກັນສຸມໃສ່ຄົ້ນຄວ້າກຳນົດແຜນວຽກຈຸດສຸມຕົວຈິງປະຈຳໄຕມາດ 2 ໂດຍອີງໃສ່ແຜນພັດທະນາເສດຖະກິດ-ສັງຄົມປະຈຳປີ 2020 ຂອງແຂວງວາງອອກພ້ອມທັງກຳນົດວິທີການ-ມາດຕະການແກ້ໄຂໃນຕໍ່ໜ້າຢ່າງມີຈຸດສຸມເພື່ອພ້ອມກັນສຸມໃສ່ຈັດຕັ້ງປະຕິບັດໃຫ້ໄດ້ຮັບຜົນສຳເລັດຕາມແຜນການທີ່ວາງໄວ້.

____________

ຂຽນໂດຍ: ສຸກສັນ ອ້ວນລິທິກຸນ       

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์