ພິທີຊາປະນະກິດສົບ ສະຫາຍ ພົນເອກ ສີສະຫວາດ ແກ້ວບຸນພັນ ຈັດຂື້ນຢ່າງສົມກຽດ

  ພິທີຊາປະນະກິດສົບຂອງ ສະຫາຍ ພົນເອກ ສີສະຫວາດ ແກ້ວບຸນພັນ ໄດ້ຈັດຂຶ້ນຢ່າງສົມກຽດໃນວັນທີ 16 ພຶດສະພາ 2020 ນີ້, ຢູ່ທີ່ເດີ່ນພະທາດຫຼວງນະຄອນ ຫຼວງວຽງຈັນ ໂດຍການເຂົ້າຮ່ວມຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ພ້ອມດ້ວຍບັນ ດາການນຳ, ອະດີດການນຳຂັ້ນສູງ, ບັນດາທ່ານລັດຖະມົນຕີ, ເຈົ້າແຂວງ, ທູຕານຸທູດ, ອົງການຈັດຕັ້ງສາກົນປະຈຳ ສປປ ລາວ, ຕະຫຼອດຮອດພະນັກງານສະມາຊິກພັກ, ພະນັກງານ, ນາຍ ແລະພົນທະຫານ, ນາຍ ແລະພົນຕຳຫຼວດ, ຄອບຄົວລູກຫຼານ ແລະຍາດຕິພີ່ນ້ອງເຂົ້າຮ່ວມຢ່າງຫຼວງຫຼາຍ ສະຫາຍ ທອງລຸນ ສີສຸລິດ ກຳ ມະການກົມການເມືອງສູນກາງພັກນາຍົກລັດຖະມົນຕີແຫ່ງ ສປປ ລາວ, ປະທານຄະນະກຳມະການຮັບຜິດຊອບງານຊາປະນະກິດສົບ ສະຫາຍ ພົນເອກ ສີສະຫວາດ ແກ້ວບຸນພັນໄດ້ຂຶ້ນກ່າວຜ່ານປະຫວັດຫຍໍ້ແຫ່ງການກຳເນີດ ແລະເຄື່ອນໄຫວປະຕິບັດຂອງສະຫາຍ ພົນເອກ ສີສະຫວາດ ແກ້ວບຸນພັນ ສະຫາຍ ພົນເອກ ສີສະຫວາດ ແກ້ວບຸນພັນອະດີດກໍາມະການສູນກາງພັກສະໄໝທີ I, II, III, IV, V, VI, VII ແລະVIII, ອະດີດເລຂາທິການສູນກາງພັກສະໄໝທີ III, IV, ອະດີດກໍາມະການກົມການເມືອງສູນກາງພັກສະໄໝທີ IV, VI, VII ແລະ VIII, ອະດີດນາຍົກລັດຖະມົນຕີ,ອະດີດຮອງປະທານປະເທດ, ອະດີດປະທານສູນກາງແນວລາວສ້າງ

ຊາດ, ອະດີດຫົວໜ້າເສນາທິການໃຫຍ່ກອງທັບປົດປ່ອຍປະຊາຊົນລາວ, ອະດີດລັດຖະມົນຕີປະຈໍາສໍານັກງານນາຍົກລັດຖະມົນຕີ, ອະດີດລັດຖະມົນຕີກະຊວງປ້ອງກັນຄວາມສະຫງົບ, ອະດີດເລຂາຄະນະພັກ, ປະທານຄະນະກໍາມະການປົກຄອງກໍາແພງນະຄອນວຽງຈັນ, ອະດີດລັດຖະມົນຕີກະຊວງກະສິກໍາ ແລະປ່າໄມ້ ແລະອະດີດປະ ທານຄະນະຂົນຂວາຍສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ, ອະດີດຄະນະກຳມະການແກ້ໄຂຄວາມຄັດແຍ້ງວຽກງານຊາຍແດນ ລາວ-ໄທ ເກີດເມື່ອວັນທີ 1 ພຶດສະພາ 1928, ທີ່ບ້ານຫ້ວຍກະລືມ, ເມືອງວຽງໄຊ, ແຂວງຫົວພັນ, ມີອ້າຍເອື້ອຍນ້ອງຮ່ວມກັນ 3 ຄົນ ຍ້ອນເຫັນໄດ້ຄວາມໂຫດຮ້າຍປ່າເຖື່ອນຂອງພວກຈັກ ກະພັດລ່າເມືອງຂຶ້ນທີ່ສ້າງໂທດກຳ ແລະ ກົດຂີ່ຂູດຮີດປະຊາຊົນລາວບັນດາເຜົ່າ ແລະ ເພື່ອຊອກຫາຫົນທາງແຫ່ງການປະຕິວັດກູ້ຊາດສະນັ້ນສະຫາຍຈຶ່ງຕັດສິນໃຈສະ ໝັກເຂົ້າເປັນທະຫານອາສາສະໝັກ ດ້ວຍໄວອາຍຸພຽງ 19 ປີ, ຈາກນັ້ນສະຫາຍ ຈຶ່ງນັບມື້ເຕີບໃຫຍ່ໃນແປວໄຟແຫ່ງການ ປະຕິວັດຊາດ ປະຊາທິປະໄຕ, ຈາກພົນທະ ຫານກາຍມາເປັນນາຍທະຫານຂັ້ນສູງ ແລະໄດ້ຮັບວຽກງານສຳຄັນຂອງຊາດ, ສະຫາຍ ພົນເອກ ສີສະຫວາດ ແກ້ວບຸນພັນແມ່ນຜູ້ນຳຮຸ່ນທຳອິດຂອງພັກ ແລະລັດເຮົາ

, ໄດ້ອຸດທິດຊີວິດຂອງຕົນຕິດພັນກັບການຕໍ່ສູ້ກູ້ຊາດຕ້ານຈັກກະພັດທັງແບບເກົ່າ ແລະໃໝ່, ສະຫາຍແມ່ນນັກຮົບປະ ຕິວັດຜູ້ອົງອາດເກັ່ງກ້າສາມາດ ແລະມີນໍ້າໃຈເສຍສະຫຼະສູງສົ່ງເປັນໜຶ່ງໃນບັນດານາຍທະຫານນຳພາ-ບັນຊາ, ທີ່ດີເດັ່ນ ແລະເປັນທີ່ເຄົາລົບຮັກຂອງກຳລັງປະກອບອາວຸດ ແລະປະຊາຊົນບັນດາເຜົ່າເປັນພະນັກງານການນຳທີ່ມີແບບແຜນນຳພາທີ່ດີ, ມີຄວາມສາມັກຄີເປັນເອກະພາບພາຍໃນພັກ ແລະ ຍຶດໝັ້ນໃນອຸດົມການອັນສູງສົ່ງໃນພາລະກິດປົກປັກຮັກສາ ແລະ ສ້າງສາພັດທະນາປະ ເທດຊາດ. ດ້ວຍຜົນງານ ແລະຄຸນງາມຄວາມດີຂອງ ສະຫາຍທີ່ໄດ້ອຸດທິດໃຫ້ແກ່ປະເທດຊາດ ຕະຫຼອດໄລຍະທີ່ຜ່ານມາ ສະຫາຍຈຶ່ງໄດ້ຮັບການຍ້ອງຍໍສັນລະເສີນຈາກພັກ, ລັດດ້ວຍການປະດັບຫຼຽນໄຊ, ຫຼຽນກາ ແລະໃບຍ້ອງຍໍປະເພດຕ່າງໆ ຈາກພາຍໃນ ແລະຕ່າງປະເທດຢ່າງຫຼວງຫຼາຍ ແລະ ສົມກຽດການສູນເສຍສະຫາຍໄປໃນ ຄັ້ງນີ້, ເປັນການສູນເສຍອະດີດການນຳທີ່ມີຜົນງານ, ປະສົບການ ແລະມີບົດຮຽນຕົວຈິງໄປອີກຜູ້ໜຶ່ງຢ່າງໃດກໍຕາມພັກ, ລັດຖະບານ ແລະປະຊາຊົນລາວບັນດາເຜົ່າຈະສືບຕໍ່ເພີ່ມທະວີຄວາມສາມັກຄີພາຍໃນຊາດເປັນປຶກແຜ່ນປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມຄວາມມຸ້ງ ປາດຖະໜາຂອງສະຫາຍຊຶ່ງເປັນອຸດົມການອັນດຽວຂອງພັກ ແນໃສ່ເພື່ອພັດທະນາປະເທດຊາດໃຫ້ກ້າວຂຶ້ນຢ່າງບໍ່ຢຸດຢັ້ງ.

--------------

ໜັງສືພິມເສດຖະກິດ-ສັງຄົມ

แชร์