ໄຊຍະບູລີ ມີບ້ານວັດທະນະທໍາ 381 ບ້ານ

  ປະຈຸບັນແຂວງໄຊຍະບູລີ ເວົ້າລວມເວົ້າສະເພາະກໍ່ຄືພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວໄດ້ເອົາໃຈໃສ່ຈັດຕັ້ງປະຕິບັດການສ້າງຄົນ, ຄອບຄົວ, ບ້ານວັດທະນະທໍາ, ກຸ່ມບ້ານ ແລະກົມກອງວັດທະນະທໍາ, ບ້ານວັດທະນະທໍາແບບຢ່າງມາຮອດປະຈຸບັນທົ່ວແຂວງໄຊຍະບູລີມີບ້ານວັດທະນະທໍາແລ້ວທັງໝົດ 381 ບ້ານ.

  ທ່ານນາງ ບົວຈັນ ພັນທະວົງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງໄຊຍະບູລີ ໄດ້ໃຫ້ຮູ້ວ່າ: ໃນ 1 ປີ ຜ່ານມາວຽກງານສ້າງຄົນ,ຄອບ ຄົວ, ບ້ານວັດທະນະທໍາ, ກຸ່ມບ້ານ, ກົມກອງວັດທະນະທໍາ ແລະບ້ານ ວັດທະນະທໍາແບບຢ່າງແມ່ນໄດ້ ດໍາເນີນເຄື່ອນໄຫວຊຸກຍູ້ແຕ່ຂັ້ນ ແຂວງລົງຮອດເມືອງ; ພ້ອມນີ້ຍັງ ໄດ້ກວດກາຄືນບ້ານວັດທະນະທໍາ ທີ່ໄດ້ເປີດ-ຮັບໄປແລ້ວໃຫ້ມີການປົກປັກຮັກສານາມມະຍົດເພື່ອໃຫ້ກາຍເປັນບ້ານວັດທະນະທໍາແບບ ຢ່າງທີ່ຍືນຍົງຕິດພັນກັບການທ່ອງ ທ່ຽວ ຊຶ່ງມາຮອດປະຈຸບັນທົ່ວ ແຂວງໄຊຍະບູລີ ມີຄອບຄົວທັງ ໝົດ 78.413 ຄອບຄົວ ແລະສາມາດສ້າງຄອບຄົວວັດທະນະທໍາໄປແລ້ວມີ 66.992 ຄອບຄົວ, ທຽບໃສ່ແຜນປີຈັດຕັ້ງປະຕິບັດໄດ້ 2.452 ຄອບຄົວ ແມ່ນລື່ນຄາດ ໝາຍ 952 ຄອບຄົວ, ທົ່ວແຂວງ ມີ 432 ບ້ານ ແລະສາມາດສ້າງເປັນບ້ານວັດທະນະທໍາໄດ້ແລ້ວທັງ ໝົດ 381 ບ້ານ, ການປະຕິບັດ ແຜນການປີຈັດຕັ້ງປະຕິບັດໄດ້ 14 ບ້ານ ເທົ່າກັບ 100% ແລະສ້າງກົມກອງວັດທະນະທໍາໄດ້ແລ້ວ 76 ກົມກອງ ແລະຄາດວ່າທ້າຍ ປີ 2020 ຈະສູ້ຊົນໃຫ້ໄດ້ຮັບຮອງ ບ້ານວັດທະນະທໍາຈໍານວນ 2 ບ້ານ ແລະ14 ກົມກອງ, ທ່ານ ນາງ ບົວຈັນ ພັນທະວົງ ຫົວໜ້າພະແນກ ຖວທ ຍັງໄດ້ໃຫ້ຮູ້ຕື່ມວ່າແຕ່ເຖິງ ຢ່າງໃດກໍ່ດີວຽກງານສ້າງຄົນ, ຄອບຄົວ ແລະບ້ານວັດທະນະທໍາ ເຖິງເຮັດໄດ້ດີ ແລະລື່ນແຜນການ ທີ່ຕັ້ງໄວ້ກໍຕາມເມື່ອເປີດ ແລະຮັບ ຮອງໄປແລ້ວແຕ່ກໍ່ຂາດການກວດກາຕໍ່ເນື່ອງບາງຄັ້ງກໍ່ແລ່ນນໍາແຕ່ປະລິມານຂາດຄຸນນະພາບສະນັ້ນໃນປີ 2020 ພະແນກ ຖວທ ແຂວງຈະໄດ້ສືບຕໍ່ແກ້ໄຂຂໍ້ຄົງຄ້າງທີ່ກ່າວມານັ້ນພ້ອມສືບຕໍ່ສ້າງຂະບວນການຄອບຄົວວັດທະນະທໍາໃຫ້ໄດ້ 1.500 ຄອບຄົວ, ບ້ານວັດທະນະທໍາໃຫ້ໄດ້ 11 ບ້ານ, ບ້ານວັດທະນະທໍາແບບຢ່າງຍືນຍົງຕິດພັນກັບການທ່ອງທ່ຽວໃຫ້ໄດ້ 1 ບ້ານ ແລະ ກົມກອງວັດທະນະທໍາໃຫ້ໄດ້ 30 ກົມກອງ.

------------

ໜັງສືພິມເສດຸະກິດ-ສັງຄົມ

แชร์