ໂບອີ້ງ ຖືກຍົກເລີກສັ່ງຊື້ເດືອນດຽວ 108 ລຳ

 ວິກິດພະຍາດລະບາດ ໂຄວິດ-19 ສົ່ງຜົນກະທົບຢ່າງໜັກຕໍ່ອຸດສາຫະກຳການບິນໂລກ ໂດຍສະເພາະຜູ້ຜະລິດເຮືອບິນແຫ່ງໃຫຍ່ຂອງ ໂລກຈາກອາເມລິກາກໍ່ຄືບໍລິສັດໂບອີ້ງຖືກຍົກເລີກການສັ່ງຊື້ເຮືອບິນ 737 ແມັກຈຳນວນ 108 ລຳເມື່ອເດືອນເມສາຜ່ານມາ.

 ຕາມຂ່າວຕ່າງປະເທດລາຍງານວ່າ ຂະນະດຽວກັນທ່າມກາງຄວາມຕ້ອງການຂອງການ ເດີນທາງດ້ວຍຖ້ຽວບິນການຄ້າຫຼຸດລົງຢ່າງ ຫຼວງຫຼາຍເນື່ອງຈາກວິກິດການແຜ່ລະບາດ ເຊື້ອພະຍາດໂຄວິດ-19 ທີ່ຍັງສົ່ງຜົນກະທົບໃຫ້ໂບອີ້ງຫຼຸດລະດັບການຜະລິດເຮືອບິນຕາມຂໍ້ຕົກລົງອີກ 101 ລຳ ໝາຍຄວາມວ່າການຜະລິດ ເຮືອບິນເຫຼົ່ານີ້ອາດສຳເລັດບໍ່ທັນເວລາທີ່ກຳນົດ ແລະສົ່ງຜົນໃຫ້ເຮືອບິນຄົງຄ້າງການຜະລິດ ເຫຼືອຕ່ຳກວ່າ 5.000 ລຳ ເປັນຄັ້ງທຳອິດນັບ ຕັ້ງແຕ່ປີ 2013.

 ທ່ານ ເດວິດ ແຄລຮູນ, ປະທານຄະນະເຈົ້າໜ້າທີ່ບໍລິຫານ (CEO) ຂອງໂບອີ້ງກ່າວເຖິງ ອຸດສາຫະກຳການບິນຂອງອາເມລິກາໃນເວລານີ້ຫົດຕົວລົງຫຼາຍກວ່າ 90% ເມື່ອທຽບໃສ່ກັບປີດຽວກັນແລະຄາດການວ່າການເດີນທາງ ອາກາດຈະກັບມາດີຂຶ້ນຢ່າງໜ້ອຍ 50% ພາຍໃນທ້າຍປີນີ້.

--------

ໜັງສືພິມເສດຖະກິດ-ສັງຄົມ

แชร์