ຫ້ອງການອຸດສາຫະກໍາເມືອງຫົງສາ ມອບຮັບຫົວໜ້າໃໝ່

  ພິທີມອບ-ຮັບໜ້າທີ່ລະຫວ່າງຫົວໜ້າຫ້ອງການຜູ້ເກົ່າ ແລະຜູ້ໃໝ່ຂອງຫ້ອງການອຸດສາຫະກໍາ ແລະການຄ້າເມືອງໄດ້ຈັດຂຶ້ນໃນວັນທີ  31  ມັງກອນ 2019 ຢູ່ທີ່ຫ້ອງປະຊຸມຫ້ອງການການເງິນໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ນາງ ດາວວິນ ລາດຊະກິດ ຮອງເຈົ້າເມືອໆຫົງສາ ມີຫົວໜ້າຫ້ອງການພ້ອມດ້ວຍພະນັກງານ ແລະແຂກຖືກເຊີນເຂົ້າຮ່ວມຢ່າງພ້ອມພຽງ.

  ໂດຍອີງຕາມກົດໝາຍວ່າດ້ວຍລັດຖະກອນສະບັບເລກທີ 74/ສພຊ.  ລົງວັນທີ 18 ທັນວາ 2015 ແລະຂໍ້ຕົກລົງຂອງທ່ານ ເຈົ້າເມືອງງ ສະບັບເລກທີ  637/ຈມ ຫສ ລົງວັນທີ 26 ກໍລະກົດ 2018 ວ່າດ້ວຍການແຕ່ງຕັ້ງຫົວ ໜ້າຫ້ອງການອຸດສາຫະກໍາ ແລະ ການຄ້າຜູ້ໃໝ່, ໃນພິທີໄດ້ຜ່ານບົດບັນທຶກມອບຮັບໜ້າລະຫວ່າງຫົວ ໜ້າຫ້ອງການຜູ້ເກົ່າ ແລະຜູ້ໃໝ່ພ້ອມທັງຜ່ານບົດບັນທຶກຮ່ວມກັນລະຫວ່າງ ທ່ານ ສອນສະນິດ ເພັດໄຊ ຫົວໜ້າຫ້ອງການອຸດສາຫະ ກໍາ ແລະການຄ້າຜູ້ເກົ່າ ແລະທ່ານ ສິງຄໍາ ພານິດ ຫົວໜ້າຫ້ອງການອຸດສາຫະກໍາ ແລະການຄ້າຜູ້ໃໝ່ໂດຍຊ່ອງໜ້າທ່ານ ນາງ ດາວວິນ ລາດຊະກິດ ຮອງເຈົ້າເມືອງໆຫົງສາຍົກໃຫ້ເຫັນເຖິງຜົນງານດ້ານດີ, ດ້ານອ່ອນ, ຂໍ້ຄົງຄ້າງໃນການຈັດຕັ້ງຊີ້ນໍາໆພາໃນໄລຍະຜ່ານມາເປັນຕົ້ນແມ່ນການນໍາພາທາງດ້ານການເມືອງ, ແນວຄິດ, ການນໍາພາວຽກງານປ້ອງກັນຊາດປ້ອງກັນຄວາມສະຫງົບ, ການຊີ້ນໍາໆພາວຽກງານວິຊາສະເພາະ, ເປັນຕົ້ນແມ່ນໄດ້ຊຸກຍູ້ສົ່ງເສີມສິນຄ້າໂອດັອບໃຫ້ມີຄວາມເຕີບໃຫຍ່ຂະຫຍາຍຕົວ ແລະມີຄວາມຍືນຍົງ, ຄຸ້ມຄອງທະບຽນທີ່ໄດ້ອະນຸຍາດໄປແລ້ວ 338 ຫົວໜ່ວຍ, ຕິດຕາມການກໍ່ສ້າງຕະຫຼາດໃຫຍ່ຂອງເມືອງໄດ້ສໍາເລັດຕາມຄາດໝາຍ.       

  ຕອນທ້າຍພິທີທ່ານຮອງເຈົ້າ ເມືອໆຫົງສາ ໄດ້ໃຫ້ກຽດໂອ້ລົມ ແລະພ້ອມທັງເນັ້ນໜັກໃຫ້ຫົວໜ້າຫ້ອງການຜູ້ໃໝ່ເອົາໃຈໃສ່ສືບຕໍ່ບັນດາໜ້າວຽກທີ່ຍັງຄົງຄ້າງ ແລະໜ້າວຽກທີ່ຈະໄດ້ຈັດຕັ້ງປະຕິບັດໃນຕໍ່ໜ້າໃຫ້ໄດ້ຕາມຄາດໝາຍທີ່ວາງໄວ້.

แชร์