ຕິກຕ໊ອກຖືກດາວໂຫຼດໄປແລ້ວຫຼາຍກວ່າ 2 ຕື້ຄັ້ງ ທຳລາຍສະຖິຕິສູງສຸດ

 Sensor Tower ກ່າວເຖິງ ແອັບ TikTok ຕອນນີ້ໄດ້ຮັບ ຄວາມນິຍົມສູງໃນຊ່ວງທີ່ໂຄວິດ- 19 ກຳລັງລະບາດ ແລະຫຼາຍຄົນ ເໝືອນຖືກບັງຄັບໃຫ້ກັກຕົວແຕ່ຢູ່ ໃນເຮືອນຈຶ່ງໃຊ້ແອັບ TikTok ຊຶ່ງເປັນແອັບຖ່າຍຄລິປວິດີໂອສັ້ນຊ່ວຍຜ່ອນຄາຍຄວາມເຄັ່ງຕຶງ.

 ແອັບພລິເຄຊັນ TIKTok ມີ ຍອດດາວໂຫຼດສູງເຖິງ 315 ລ້ານຄັ້ງຕອນນີ້ນັບສະເພາະໃນໄຕມາດ ທີ 1 ຂອງປີນີ້ເປັນຍອດດາວໂຫຼດທີ່ ສູງທີ່ສຸດໃນໄຕມາດດຽວຂອງ TikTok ຕັ້ງແຕ່ທີ່ເຄີຍມີມາ ແລະສົ່ງ ຜົນຍອດດາວໂຫຼດນັບຕັ້ງແຕ່ເປີດ ໂຕແອັບຫຼາຍກວ່າ 2 ຕື້ຄັ້ງຫຼັງຈາກທະລຸ 1,5 ຕື້ຄັ້ງເມື່ອ 5 ເດືອນ ກ່ອນ TikTok ເຖິງຕອນນີ້ໄດ້ຮັບ ຄວາມນິຍົມສູງສຸດໃນອິນເດຍດ້ວຍ ຍອດດາວໂຫຼດ 611 ລ້ານຄັ້ງຕາມ ມາດ້ວຍຈີນ 196,6 ລ້ານຄັ້ງ ແລະ ອາເມລິກາຕິດຕັ້ງໄປແລ້ວ 165 ລ້ານຄັ້ງ ເມື່ຈຳແນກເປັນລະບົບ Android ກັບiOSພົບວ່າຜູ້ໃຊ້ Android ດາວໂຫຼດ TikTok ໄປເຖິງ 1,5 ຕື້ຄັ້ງ ຫຼື ຄິດເປັນສ່ວນແບ່ງ 75,5% ເມື່ອທຽບກັບຜູ້ໃຊ້ iOS ທີ່ມີຍອດດາວໂຫຼດ 495,2 ລ້ານ ຄັ້ງ ເຖິງວ່າ TikTok ໃນ iPhone ຈະພົບຜູ້ໃຊ້ນ້ອຍແຕ່ App Store ສາມາດທຳເງິນໃຫ້ເຈົ້າຂອງແອັບ ໄດ້ຫຼາຍເຖິງ 435,3 ລ້ານໂດລາ ສະຫະລັດຂະນະທີ່ TikTok ສ້າງ ລາຍໄດ້ຈາກ Google Play ໄປ 21,4 ລ້ານໂດລາ.

 ຢ່າງໃດກໍຕາມຕອນນີ້ສະຖານະການຂອງໂຄວິດ-19 ທົ່ວໂລກຍັງ ບໍ່ດີຂຶ້ນອາດຈະພົບຜູ້ໃຊ້ TikTok ຫຼາຍຂຶ້ນກວ່ານີ້ອີກ.

---------

ໜັງສືພິມເສດຖະກິດ-ສັງຄົມ

แชร์