ບໍລິສັດລ້ານຊ້າງມິເນໂຣນສ໌ ມອບເຄື່ອງມືການແພດ ໃຫ້ໂຮງໝໍແຂວງສະຫວັນນະເຂດ

 ບໍລິສັດລ້ານຊ້າງມິເນໂຣນສ໌ ລີມິເຕັດສືບຕໍ່ປະກອບສ່ວນຢ່າງຕັ້ງໜ້າເຂົ້າໃນວຽກງານຕ້ານ ແລະສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ໃຫ້ແຂວງສະ ຫວັນນະເຂດ ໃນວັນທີ 11 ພຶດສະພາ 2020 ທີ່ຫ້ອງຮັບແຂກຫ້ອງວ່າການປົກຄອງແຂວງ, ກໍ່ໄດ້ຈັດພິທີມອບ-ຮັບອຸປະກອນ ການແພດທີ່ໄດ້ຈາກການປະກອບສ່ວນຊ່ວຍເຫຼືອຈາກບໍລິສັດລ້ານ ຊ້າງມິເນໂຣນສ໌ລີມິເຕັດມອບໃຫ້ ໂຮງໝໍແຂວງສະຫວັນນະເຂດ ເພື່ອຕ້ານພະຍາດໂຄວິດ-19 ຊຶ່ງໃຫ້ກຽດຮັບເຄື່ອງຊ່ວຍເຫຼືອໃນຄັ້ງນີ້ຂອງທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດໂດຍແມ່ນຕາງໜ້າບໍລິສັດດັ່ງກ່າວເປັນຜູ້ມອບຈາກນີ້ກໍ່ມີຫົວໜ້າພະແນກສາທາລະນະສຸກແຂວງ, ຜູ້ອຳນວຍການໂຮງໝໍແຂວງ ແລະພາກສ່ວນກ່ຽວຂ້ອງເຂົ້າຮ່ວມນຳ.

  ສຳລັບເຄື່ອງມືການແພດທີ່ທາງ ບໍລິລັດລ້ານຊ້າງມິເນໂຣນສ໌ລິມິເຕັດໄດ້ປະກອບສ່ວນໃຫ້ໂຮງໝໍ ແຂວງເພື່ອຕ້ານພະຍາດໂຄວິດ-19 ໃນຄັ້ງນີ້ລວມມີ 5 ລາຍການ ຄື: ເຄື່ອງຕິດຕາມອາການຊີວິດ 4 ເຄື່ອງ, ເຄື່ອງວັດແທກຄວາມ ດັນອີ່ມໂຕຂອງອົກຊີແຊນ 16 ເຄື່ອງ, ຫົວຈ່າຍອົກຊີແຊນ 35 ອັນ, ລໍ້ຍູ້ສັກຢາ ແລະປິ່ນປົວ 15 ໜ່ວຍ ແລະເຄື່ອງວັດອຸນຫະພູມ ອີກ 6 ເຄື່ອງ, ລວມມູນຄ່າທັງ ໝົດ 20.000 ໂດລາສະຫະລັດ ຊຶ່ງເຄື່ອງມືການແພດດັ່ງກ່າວນີ້ ແມ່ນຈະເດີນທາງມາຮອດແຂວງ ສະຫວັນນະເຂດ ໃນທ້າຍເດືອນ ພຶດສະພາທີ່ຈະເຖິງນີ້.

--------

ໜັງສືພິມເສດຖະກິດ-ສັງຄົມ

แชร์