ຍອດຂາຍລົດໃນຈີນເພີ່ມຂຶ້ນ 4,4%

 ອຸດສາຫະກຳລົດ ສປ ຈີນ ກັບມາເຕີບໂຕຢ່າງວ່ອງໄວ ມີຍອດ ຂາຍລົດເພີ່ມຂຶ້ນເປັນເທື່ອທຳອິດ ໃນຮອບ 2 ປີ ຫຼັັງຈາກການແຜ່ ລະບາດຂອງເຊື້ອໂຄວິດ-19.

  ຕາມຂ່າວຕ່າງປະເທດລາຍງານໃນວັນທີ 13 ພຶດສະພາຜ່ານ ມາວ່າ ສະມາຄົມຜູ້ຜະລິດລົດຂອງຈີນລະບຸວ່າ ຍອດຂາຍລົດໃນເດືອນເມສາເພີ່ມຂຶ້ນເຖິິງ 4,4% ເມື່ອທຽບປີຕໍ່ປີ ໂດຍໄດ້ຮັບແຮງຊຸກຍູ້ຈາກຄວາມຕ້ອງການລົດທີ່ເພີ່ມຂຶ້ນຫຼາຍກວ່າ 30%, ຍອດຂາຍລົດໃນຕະຫຼາດລົດທີ່ໃຫຍ່ທີ່ສຸດໃນໂລກເລີ່ມຫຼຸດລົງໃນປີ 2018 ແລະຫຼຸດລົງຢ່າງຕໍ່ເນື່ອງ ເມື່ອເກີດການລະບາດຂອງເຊື້ອໂຄວິດ-19 ສົ່ງຜົນຕໍ່ເສດຖະກິດແຕ່ຍອດຂາຍລົດກັບມາຟື້ນຕົວອີກຄັ້ງຫຼັງຈາກຈີນສາມາດຄວບຄຸມການແຜ່ລະບາດໄດ້ ແລະຍົກເລີກຂໍ້ຈຳກັດດ້ານການເດີນທາງ ແລະທຸລະກິດ ລວມທັງຍົກເລີກປິດເມືອງ.

 ທັງນີ້ ເມື່ອທ້າຍເດືອນມີນາທີ່ຜ່ານມາ ຈີນຫາກໍຂະຫຍາຍເວລາການຍົກເວັ້ນພາສີສຳລັບການຊື້ລົດໄຟຟ້າອອກໄປອີກ 2 ປີ ຂະນະທີ່ເທສະບານຫຼາຍແຫ່ງກໍຍົກເລີກການຈຳກັດຈຳນວນຍານພາຫະນະໃໝ່ໃນທ້ອງຖະໜົນຈາກເດີມທີ່ມີຈຸດປະສົງເພື່ອຫຼຸດບັນຫາຈະລາຈອນແອອັດ ແລະມົນລະພິດ.

---------

ໜັງສືພິມເສດຖະກິດ-ສັງຄົມ

แชร์