ເຟດເຕືອນທຸລະກິດອາເມລິກາອາດລົ້ມລະລາຍ

  ທ່ານ ໂຣເບີດ ແຄບແລນ ປະທານເຟດສາຂາ ດັລລັສ ກ່າວວ່າ ເສດຖະກິດຈະຕ້ອງໄດ້ຮັບການກະ ຕຸ້ນດ້ານການເງິນຫຼາຍຂຶ້ນປະທານ ເຟດສາຂາຕ່າງໆພາກັນເຕືອນທຸລະ ກິດອາເມລິກາຈະລົ້ມລະລາຍຄັ້ງ ໃຫຍ່ຫາກການຢຸດກິດຈະການເສດ ຖະກິດແກ່ຍາວອອກໄປຫຼາຍກວ່ານີ້.

  ຕາມຂ່າວຕ່າງປະເທດລາຍ ງານວ່າ ເຈົ້າໜ້າທີ່ລະດັບສູງຂອງ ທະນາຄານກາງອາເມລິກາ (ເຟດ) ອອກມາເຕືອນວ່າການແຜ່ລະບາດ ຂອງເຊື້ອພະຍາດໂຄວິດ-19 ແລະຢຸດກິດຈະການເສດຖະກິດອາ ເມລິກາບາງສ່ວນນັ້ນອາດເຮັດໃຫ້ ທຸລະກິດຕ່າງໆປະສົບກັບພາວະ ລົ້ມລະລາຍຄັ້ງໃຫຍ່ ຊຶ່ງອາດຈະ ສົ່ງຜົນກະທົບຍາວນານຕໍ່ເສດຖະກິດຂອງປະເທດ, ທ່ານ ເຈມ ບູລາດ ປະເທດເຟດສາຂາເຊນຫຼຸຍລະບຸວ່າທຸລະກິດຕ່າງໆຈະປະສົບກັບພາວະລົ້ມລະລາຍຄັ້ງໃຫຍ່ ແລະມີຄວາມສ່ຽງທີ່ເສດຖະກິດຈະເຂົ້າສູ່ພາວະຖົດຖອຍຫາກຢຸດກິດຈະ ການເສດຖະກິດຍັງດຳເນີນຕໍ່ໄປ. ດ້ານທ່ານ ນີລ ແຄຊຄາຣີ ປະທານເຟດສາຂາດຊາມິນນີອາໂປ ລິສເຕືອນວ່າ ເສດຖະກິດອາເມລິກາຈະຟື້ນຕົວຢ່າງຄ່ອຍເປັນຄ່ອຍໄປຈາກຜົນກະທົບຂອງເຊື້ອໂຄ ວິດ-19, ຂະນະທີ່ທ່ານຫາກອັດຕາການວ່າງວຽກຍັງເພີ່ມສູງຂຶ້ນ, ທັງນີ້ ເຟດໄດ້ປັັບຫຼຸດອັດຕາດອກເບ້ຍລົງໃກ້ຈຸລະດັບ 0% ໃນກາງເດືອນມີນາຜ່ານມາ ແລະໄດ້ອອກ ໂຄງການປ່ອຍຍເງິນກູ້ເພື່ອຮອງ ຮັບຜົນກະທົບຈາກພະຍາດລະບາດ, ທັງນີ້ ທ່ານ ບູລາດ ຍັງເຕືອນ ວ່າຜົນຜະລິດທາງເສດຖະກິດອາດຫຼຸດລົງປະມານ 40% ໃນໄຕມາດ 2 ຂອງປີນີ້ຖ້າຫາກລັດຖະບານຍັງສັ່ງໃຫ້ທຸລະກິດຕ່າງໆປິດກິດຈະການຕໍ່ໄປ.

 ປະທານເຟດທັງ 3 ສາຂາລະບຸເປັນສຽງດຽວກັນວ່າ ເຟດບໍ່ມີທ່າອຽງທີ່ຈະໃຊ້ອັດຕາດອກເບ້ຍຕິດລົບເປັນເຄື່ອງມືໃນການຈັດການກັບພາວະເສດຖະກິດໃນໄວໆນີ້ຂະນະທີ່ທ່ານ ບູລາດ ລະບຸວ່າເຟດມີທ່າອຽງທີ່ຈະໃຊ້ການຊື້ຊັບສິນເປັນເຄື່ອງມືໃນການຈັດການກັບພາວະເສດຖະກິດຫຼາຍກວ່າ.

-------

ໜັງສືພິມເສດຖະກິດ-ສັງຄົມ

แชร์