ມອບ-ຮັບຫົວໜ້າໄຟຟ້າສາຂາອັດຕະປື

  ໃນວັນທີ 12 ພຶດສະພາ 2020​ ເວລາ: 8 ໂມງ 15 ນາທີ ທີ່ຫ້ອງປະຊຸມລັດວິສາຫະກິດໄຟຟ້າລາວສາຂາແຂວງອັດຕະປື, ໄດ້ມີພິທີມອບ-ຮັບຕຳແໜ່ງ​ຫົວໜ້າລັດວິສາຫະກິດໄຟຟ້າລາວສາຂາ ແຂວງອັດຕະປື ລະຫວ່າງຜູ້ເກົ່າ ແລະຜູ້ໃໝ່, ທ່ານ ​ລີດສະໜາ ເທບສົມບັນດິດ​ ຫົວໜ້າລັດວິສາຫະກິດໄຟຟ້າລາວສາຂາ ແຂວງອັດຕະປື (ຜູ້ເກົ່າ) ໄປຮັບໜ້າທີ່ໃໝ່ເປັນຮອງຫົວໜ້າຝ່າຍປະຕິບັດການໄຟຟ້າພາກເໜືອ-ໃຕ້ ​ແລະ ແຕ່ງຕັ້ງທ່ານ ເດດສຸວັນ ມະໄລທອງ ວ່າການຫົວໜ້າລັດວິສາຫະກິດໄຟຟ້າລາວສາຂາແຂວງອັດຕະປື (ຜູ້ໃໝ່) ແລະ ແຕ່ງຕັ້ງທ່ານ ສອນສົມສັກ ​ບຸນຍະແສງ ເປັນຮອງຫົວໜ້າສາຂາ ທ່ານ ບົວຄໍາ ອຸໄທພອນ ເປັນຮອງຫົວໜ້າສາຂາ, ໂດຍເຂົ້າ ຮ່ວມເປັນປະທານຂອງທ່ານ​ ທອງຂັນ ພິມ​ວິໄລ​ ຄະນະພັກກະຊວງຫົວໜ້າກົມຈັດຕັ້ງ​ ແລະ ພະນັກງານກະຊວງບໍ່ແຮ່, ທ່ານ​ ຄຳປະເສີດ ເທບປັນ ຍາຄະນະພັກຮາກ ຖານ ຟຟລ ຮອງຜູ້ອຳນວຍການໃຫຍ່ລັດວິສາຫະກິດໄຟຟ້າລາວ ແລະທ່ານ ວິທະຍາ ​ພົມມະຈັນ ເລຂາຄະນະພັກຮາກຫົວໜ້າພະແນກພະລັງງານ ແລະ ບໍ່ແຮ່ແຂວງອັດຕະປື ໃນຕອນທ້າຍຂອງວາລະກອງປະຊຸມດ້ວຍຄວາມເປັນຫ່ວງເປັນໄຍຈາກລັດວິສາຫະກິດໄຟຟ້າລາວ (ສຳນັກງານໃຫຍ່) ​ຊຶ່ງໄດ້ມີການມອບເຄື່ອງໃຊ້ຕ້ານພະຍາດ COVID-19 ມີ​ໜ້າ​ກາກອະນາໄມ,​ ເຈວລ້າງມື ແລະເຄື່ອງແທກອຸນຫະພູມໃຫ້ແກ່ພະນັກງານຢູ່ສາຂາແຂວງອັດຕະປື ແລະ​ພະແນກພະລັງງານ-ບໍ່ແຮ່ແຂວງ.

แชร์