ຣູເພີກ ກຣີນ ເປີດເຜີຍຂ່າວດີໄດ້ລູກສາວແລ້ວ

ຂ່າວດີຂອງ ຣູເພີກ ກຣີນ ນັກສະແດງໜຸ່ມອາຍຸ 31 ປີ ທີ່ແຈ້ງ ເກີດຈາກບົດ ຣອນ ວີວລີ ໃນຮູບເງົາດັງລະດັບຕຳນານ ແຮຣີ່ ພອດເຕີ ປະຈຸບັນຂຶ້ນແທ່ນເປັນພໍ່ມືໃໝ່ ແລ້ວ ໂດຍລາຍງານລະບຸວ່າ ຣູເພີກ ກຣີນ ກັບແຟນສາວນັກສະແດງ ຈໍເຈຍ ກຣູມ ອາຍຸ 28 ປີ ໄດ້ຕ້ອນ ຮັບລູກຄົນທຳອິດຂອງພວກເຂົາກັນແລ້ວ.

   ຊຶຶ່ງຕົວແທນຂອງພໍ່ແມ່ມືໃໝ່ໄດ້ ຖະແຫຼງວ່າ ຣູເພີກ ກຣີນ ແລະຈໍ ເຈຍ ກຣຸມ ມີຄວາມຍິນດີທີ່ຈະແຈ້ງ ວ່າພວກເຂົາໄດ້ລູກສາວ ແລະເຮົາ ຂໍຄວາມກະລຸນາໃນເລື່ອງຂອງ ຄວາມເປັນສ່ວນຕົວໃນໄລຍະເວລາສຸດພິເສດນີ້, ທັງນີ້ເມື່ອເດືອນ ເມສາທີ່ຜ່ານມາທັງສອງຢືນຢັັນວ່າ ພວກກເຂົາກຳລັັງຈະມີລູກນໍາກັນຂະນະທີຈໍເຈຍກໍໃສ່ຊຸດໂຊໃຫ້ເຫັນທ້ອງຂອງລາວລະຫວ່າງໄປຊື້ເຄື່ອງ ແລະເມື່ອບໍ່ດົນມານີ້ ຣູເພີກ ຫາກໍອອກມາສະໜັບສະໜູນສູຕິນາຣີ ແພດທ້ອງຖິ່ນທີ່ຕ້ອງເຮັດວຽກໜັກ ໃນໄລຍະການແຜ່ລະບາດຂອງ ເຊື້ອໂຄວິດ-19 ໂດຍເຂົາໄດ້ເຂົ້າ ຮ່ວມທີມກັບນັກສະແດງຍິງມີຣຽມມາໂກເຢສ ຜູ້ຮັບບົດຜີສາດໃນຮູບ ເງົາເລື່ອງ ແຣຣີ່ ພອດເຕີ ເພື່ອກ່າວ ຂອບໃຈສູຕີນາຣີແພດທ້ອງຖິ່ນຄົນ ໜຶ່ງທີ່ເຮັດໜ້າທີ່ຢ່າງເຂັ້ມແຂງ ແລະເປັນດ່ານໜ້າໃນການຕໍ່ສູ້ກັບ ເຊື້ອໂຄວິດ-19 ໃນໂຮງໝໍແຫ່ງ ໜຶ່ງຂອງອັງກິດ.

------

ຮຽບຮຽງໂດຍ: ແກ້ວ

• 14/05/2020