ສໍາເລັດການຕິດຕັ້ງໝໍ້ແປງໄຟຟ້າເຂົ້າແຫຼ່ງທ່ອງທ່ຽວຖໍ້າຜານາງ ເມືອງມະຫາໄຊ

 ດ້ວຍຄວາມເປັນຫວ່ງເປັນໃຍຈາກການນໍາຂັ້ນເເຂວງກໍຄືຂັ້ນເມືອງໄດ້ໃຫ້ຄວາມຊ່ວຍເຫຼືອທາງດ້ານທຶນຮອນໃນການຕິດຕັ້ງໝໍ້ແປງ ໄຟຟ້າເຂົ້າຖໍ້າຜານາງ ແລະອີກຢ່າງໜຶ່ງກໍ່ເພື່ອອໍານວຍຄວາມສະດວກສະບາຍໃຫ້ແກ່ປະຊາຊົນ ແລະນັກທ່ອງທ່ຽວທີ່ໄປທ່ຽວຊົມໃນເຂດບໍລິເວນຖໍ້າ ແລະທາງໃນຖໍ້າ.

  ໃນວັນທີ 8 ພຶດສະພາ ຜ່ານມາ ນີ້ທາງຫ້ອງການຖະແຫຼ່ງຂາວ, ວັດທະນະທຳ ແລະທ່ອງທ່ຽວກັບສູນໄຟຟ້າເຂດເມືອງມະຫາໄຊ ໂດຍ ໄດ້ລົງສົມທົບກັບອຳນາດການປົກຄອງບ້ານຜານາງໃນຄັ້ງທີ 1 ແມ່ນວັນທີ 24 ເມສາ 2020 ຫາວັນທີ 8 ພຶດສະພາ 2020 ຈຶ່ງສຳເລັດໃນການຕິດຕັ້ງໝໍ້ແປງໄຟຟ້າດັ່ງກ່າວເພື່ອອີງໃສ່ກົດໝາຍວ່າ ດ້ວຍການທ່ອງທ່ຽວພາກທີ V ໝວດທີ 2 ມາດຕາ 65 ຂັ້ນຕອນໃນການພັດທະນາແຫຼ່ງທ່ອງທ່ຽວເລກທີ 171/ປປທ ນະຄອນຫຼວງວຽງຈັນ ວັນທີ 20 ສິງຫາ 2013 ລົງຕິດຕາມກວດການຕິດຕັ້ງໄຟຟ້າເຂົ້າສະຖານທີ່ທ່ອງທ່ຽວຜານາງເຮັດໃຫ້ມີຄວາມສະດວກໃນການໄປທ່ຽວຊົມບ່ອນຕ່າງໆໃນບໍລິເວນປາກຖໍ້າ ແລະໃນຖໍ້າເພື່ອໃຫ້ມີຄວາມປອດໄຟ ແລະສະດວກໃນການຊອກເກັບລາຍຮັບໃຫ້ແກ່ບ້ານຜານາງ, ມີມູນຄ່າຕິດຕັ້ງຕາຂ່າຍໄຟຟ້າທຶນສົມທົບກັບບໍລິສັດໄຟຟ້າລັດວິສາຫະກິດສາຂາແຂວງຄຳມ່ວນ 16 ລ້ານກີບເງິນ ບ້ານຊື້ຫຼັກຕາຂ່າຍ 5 ຫຼັກມູນຄ່າ 6 ລ້ານກີບ ແລະສາຍໄຟຟ້າອຸປະກອນອື່ນໆ 4 ລ້ານກີບ ເງິນຈ່າຍບໍລິຫານພາກສ່ວນອື່ນໆ 6,57 ລ້ານກີບລວມມູນຄ່າທັງໝົດ 32,57 ລ້ານກີບ.

_________

ໜັງສືພິມເສດຖະກິດ-ສັງຄົມ

แชร์