ສູນກາງຊາວໜຸ່ມຮ່ວມບໍລິຈາກເລືອດຊ່ວຍສັງຄົມ

  ໃນວັນທີ 12 ພຶດສະພາ 2020 ສູນກາງຊາວໜຸ່ມປະຊາຊົນປະຕິວັດລາວຮ່ວມກັບສູນເລືອດແຫ່ງຊາດສ້າງຂະບວນການອາສາສະໝັກຊາວໜຸ່ມຕະລຸມບອນບໍລິຈາກເລືອດພາຍໃຕ້ຄໍາຂວັນ “ເມື່ອໃດຊາດຕ້ອງການຊາວໜຸ່ມຂານອາສາ” ທັງເປັນການສະເຫຼີມສະຫຼອງວັນສ້າງຕັ້ງຊາວໜຸ່ມປະຊາຊົນປະຕິວັດລາວຄົບຮອບ 65 ປີ (14/ 4/1955-14/ 2020 ) ຊຶ່ງໄດ້ຮັບຄວາມສົນໃຈຈາກຊາວໜຸ່ມອ້ອມຂ້າງກະຊວງເຂົ້າຮ່ວມບໍລິຈາກເລືອດຢ່າງໜາແໜ້ນ.


  ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໃຫ້ກ່າວວ່າ: ປະຈຸບັນ ສປປ ລາວ ກຳລັງພົບກັບການລະບາດຂອງພະຍາດໂຄວິດ-19 ແລະ ກຳລັງປະເຊີນກັບການລະບາດໄຂ້ເລືອດອອກເຮັດໃຫ້ມີຄວາມຕ້ອງການເລືອດເປັນຈຳນວນຫຼາຍຄະນະດຽວກັນການຈັດຕັ້ງປະຕິບັດໃນການສະ ໜອງເລືອດຍັງບໍ່ບັນລຸເປົ້າໝາຍທີ່ວາງເພື່ອເຮັດໃຫ້ການສະໜອງເລືອດໄດ້ຕາມເປົ້າໝາຍ ແລະສາມາດຕອບສະໜອງເລືອດໃຫ້ພຽງພໍໂດຍພື້ນຖານຊາວໜຸ່ມລາວຈຶ່ງເປັນກ້ອນກຳລັງອັນສຳຄັນໃນການກອບສ່ວນຊ່ວຍເຫຼືອສັງຄົມດັ່ງຄຳທີ່ວ່າບ່ອນໃດຍາກຊາວໜຸ່ມບຸກບ່ອນໃດທຸກຊາວໜຸ່ມຜ່ານຜ່າເມື່ອໃດຊາດຕ້ອງການຊາວໜຸ່ມຂານອາສາການບໍລິຈາກເລືອດເປັນການປະກອບສ່ວນຊ່ວຍເຫຼືອສັງຄົມດ້ວຍຄວາມສະໝັກໃຈສະແດງເຖິງຄວາມມີນໍ້າໃຈຕໍ່ເພື່ອນມະນຸດກໍຄືຕໍ່ສັງຄົມດ້ວຍກັນເພື່ອຊ່ວຍເຫຼືອຜູ້ທີ່ຂາດເລືອດ ແລະບາດເຈັບພ້ອມທັງເປັນສ່ວນໜຶ່ງທີ່ຊ່ວຍຊີວິດເພື່ອນມິດຮ່ວມຊາດ ແລະເພື່ອຄົນດ້ອຍໂອກາດທີ່ກໍາລັງຕ້ອງການເລືອດ.

---------------

ຂຽນໂດຍ: ແພງຕາ    

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์