ມູດີ້ເຕືອນ ອາເມລິກາສ່ຽງເກີດພະຍາດໂຄວິດຮອບ 2

ທ່ານ ມາກ ແຊນດີ້ ຫົວໜ້າວິເຄາະຈາກມູດີ້ ອະນາລິຕິກ ເຕືອນວ່າ ອາເມລິກາມີຄວາມສ່ຽງ ທີ່ການແຜ່ລະບາດຂອງເຊື້ອໂຄວິດ-19 ຈະກັບມາລະບາດໜັກຮອບທີ 2 ເນື່ອງຈາກການເປີດເສດຖະກິດໄວເກີນໄປ ເຮັດໃຫ້ປະຊາຊົນກັບມາລວມຕົວກັນເປັນຈຳນວນຫຼາຍ.

 ຕາມຂ່າວຕ່າງປະເທດລາຍງານວ່າ ທ່ານ ແຊນດີ ກ່າວວ່າ ຖ້າຫາກເກີດການລະບາດອີກ ເທື່ອໜຶ່ງຈະຍິ່ງຊໍ້າເຕີມເສດຖະກິດທີ່ບອບບາງຢູ່ ແລ້ວໃຫ້ເຂົ້າສູ່ພາລະຖົດຖອຍ ໂດຍສະເພາະໃນ ໄລຍະນີ້ຍັງບໍ່ມີວັກແຊງປ້ອງກັນພະຍາດໂຄວິດ- 19, ທັງນີ້ຄາດວ່າ ພາວະເສດຖະກິດຖົດຖອຍໃນ ອາເມລິກາອາດຈະໃຊ້ເວລາປະມານ 1 ປີ ຫຼື ຫຼາຍ ກວ່ານັ້ນ ຂະນະທີ່່ຕົວເລກການວ່າງວຽກອາດ ສູງຂຶ້ນ, ໃນທ້າຍອາທິດທີ່ຜ່ານມາກະຊວງ ແຮງ ງານຂອງອາເມລິກາລາຍງານວ່າ ອັດຕາ ການວ່າງວຽກເພີ່ມຂຶ້ນສູ່ລະດັບ 14,7% ໃນ ເດືອນເມສາ ຊຶ່ງສູງກວ່າລະດັບ 10,8% ໃນໄລ ຍະຫຼັງສົງຄາມໂລກຄັ້ງທີ 2 ແຕ່ຕໍ່າກວ່າລະດັບ 24,9% ຊຶ່ງເປັນຕົວເລກອັດຕາການວ່າງວຽກໃນໄລຍະເສດຖະກິດຕົກກຕໍ່າຄັ້ງໃຫຍ່.

 ຢ່າງໃດກກໍຕາມ ທ່ານ ເຊນດີ້ ກ່າວວ່າ ມີ ຄວາມເປັນໄປໄດ້ສູງທີ່ເສດຖະກິດຈະເກີດການ ຟື້ນຕົວແບບຮູບຕົວ V ຂະນະທີ່ການຈ້າງວຽກ ຈະຟື້ນຕົວອີກຄັ້ງ ເນື່ອງຈາກທຸລະກິດຕ່າງງໆ ຈະກັບມາເປີດດຳເນີນການຕາມປົກກະຕິຫາກ ບໍ່ມີການແຜ່ລະບາດຂອງເຊື້ອໂຄວິດ-19 ຮອບ ສອງ.

--------

ໜັງສືພິມເສດຸະກິດ-ສັງຄົມ

 

แชร์