ຄົນວ່າງວຽກໃນ ສ.ເກົາຫຼີ ເພີ່ມຂຶ້ນ 33%

 ກະຊວງການຈ້າງວຽກເຮັດ ແລະແຮງງານຂອງ ສ.ເກົາຫຼີ ເປີດ ເຜີຍວ່າ ຈຳນວນຜູ້ຂໍຮັບສະຫວັດດີ ການການວ່າງວຽກເດືອນເມສາ ເພີ່ມຂຶ້ນໃນອັດຕາເລກສອງຫຼັກ ເນື່ອງຈາກການແຜ່ລະບາດຂອງ ເຊື້ອໂຄວິດ-19 ໄດ້ສົ່ງຜົນກະທົບຕໍ່ປະຊາຊົນຈຳນວນຫຼາຍຕົກວຽກ.

  ຕາມຂ່າວຕ່າງປະເທດລາຍ ງານໃນວັນທີ 11 ພຶດສະພາທີ່ຜ່ານ ມາວ່າ ຈຳນວນຜູ້ສະໜັກຂໍຮັບສະຫວັດດີການການວ່າງວຽກລາຍ ໃໝ່ໃນເດືອນເມສາຢູ່ທີ່ 129.000 ຄົນ ເພີ່ມຂຶ້ນ 33% ຫຼື 32.000 ຄົນຈາກເດືອນດຽວກັນຂອງປີທີ່ ຜ່ານມາ, ຂະນະທີ່ຍອດສະສົມຂອງ ຈຳນຜູ້ຂໍຮັບສະຫວັດດີການການ ວ່າງວຽກຢູ່ທີ່ 651.000 ຄົນ ເພີ່ມ ຂຶ້ນ 25,2% ຫຼື 131.000 ຄົນ ຈາກປີກ່ອນໜ້ານີ້,

  ສຳນັກຂ່າວຊີນຮວາລາຍງານ ວ່າ ຕົວເລກດັ່ງກ່າວເພີ່ມຂຶ້ນເນື່ອງ ຈາກຫຼາຍບໍລິສັດໄດ້ຂໍໃຫ້ພະນັກ ງານຢຸດວຽກໂດຍບໍ່ໄດ້ຮັບຄ່າຈ້າງ ຫຼື ປົດພະນັກງານອອກ ທ່າມກາງ ຄວາມກັງວົນທີ່ເພີ່ມຂຶ້ນກ່ຽວກັບຜົນກະທົບທາງເສດຖະກິດຈາກ ການແຜ່ລະບາດຂອງເຊື້ອພະຍາດ ໂຄວິດ-19.

--------

ໜັງສືພິມເສດຖະກິດ-ສັງຄົມ

แชร์