ມາເບິ່ງສາຍການບິນທີ່ລົ້ມລະລາຍຍ້ອນໂຄວິດ

  ສາຍການບິນເປັນໜຶ່ງໃນອຸດສາຫະກຳທີ່ໄດ້ຮັບຜົນກະທົບໜັກທີ່ສຸດຕັ້ງແຕ່ໄລຍະທຳອິດຂອງວິກິດໂຄວິດ-19 ຂະນະທີ່ຜູ້ຊ່ຽວ ຊານຄາດວ່າສາຍການບິນສ່ວນໃຫຍ່ທົ່ວໂລກສ່ຽງລົ້ມລະລາຍໃນທ້າຍເດືອນພຶດສະພາ ແຕ່ມີບາງ ສາຍການບິນທີ່ລົ້ມລະລາຍໄປ ແລ້ວໃນໄລຍະ 2 ເດືອນທີ່ຜ່ານມາ.

  ຕາມຂ່າວຕ່າງປະເທດລາຍ ງານວ່າ ເມື່ອເດືອນເມສາ CAPA ບໍລິສັດທີ່ປຶກສາດ້ານສາຍການບິນລະດັບໂລກປະເມີນວ່າພາຍໃນທ້າຍເດືອນພຶດສະພານີ້ ສາຍການ ບິນສ່ວນໃຫຍ່ທົ່ວໂລກຈະລົ້ມລະລາຍ ຖ້າຫາກບໍ່ໄດ້ຮັບການຊ່ວຍ ເຫຼືອຈາກລັດຖະບານ ແລະການ ປັບໂຄງສ້າງຢ່າງເໝາະສົມ ແລະ ສາຍການດັ່ງຕໍ່ໄປນີ້ປະສົມບັນຫາ ທາງທຸລະກິດ ຫຼື ປະກາດລົ້ມລະ ລາຍ ຫຼື ໂຈະດຳເນີນການງານ ໄປແລ້ວໃນໄລຍະ 2 ເດືອນທີ່ຜ່ານ ມາມີ ຟລາຍບີ ສາຍການບິນຂອງ ອັງກິດປະກາດລົ້ມລະລາຍໃນວັນ ທີ 5 ມີນາທີ່ຜ່ານມາ, ສາຍການ ບິນ ທຣານ ສະເຕສ ແອລາຍ ຂອງ ອາເມລິກາຍຸຕິການດຳເນີນງານ ທັງໝົດໃນວັນທີ 1 ເມສາ ເນື່ອງ ຈາກໄດ້ຮັບຜົນກະທົບກະທັນຫັນ ຈາກເຊື້ອໂຄວິດ-19, ສາຍການ ບິນ ຄອມພາສ ແອລາຍຂອງອາເມ ລິກາປິດກິດຈະການໃນວັນທີ 5 ເມສາທີ່ຜ່ານມາ, ສາຍການບິນ ເວີຈິນ ອົດສະຕຣາລີ ໂດຍຍື່ນຂໍ ລົ້ມລະລາຍໃນວັນທີ 21 ເມສາທີ່ ຜ່ານມາ

 ຫຼ້າສຸດສາຍການບິນ ເອວຽນ ກາຂອງໂກໂລມບີຍື່ນລົ້ມລະລາຍ ໃນວັນທີ 10 ພຶດສະພາ ເນື່ອງຈາກ ບໍ່ສາມາດຊໍາລະໜີ້ໄດ້ກຳນົດເສັ້ນຕາຍ ແລະບໍ່ໄດ້ຮັບຄວາມຊ່ວຍເຫຼືອ ຈາກລັດຖະບານເນື່ອງຈາກໄດ້ຮັັບ ຜົນກະທົບຈາກໂຄວິດ-19.

------

ໜັງສືພິມເສດຖະກິດ-ສັງຄົມ

แชร์