ເຈົ້າເມືອງອາດສະພອນ ລົງຕິດຕາມການບຸກເບີກບ້ານຈັດສັນໃໝ່

 ໃນວັນທີ 7 ພຶດສະພາ ຜ່ານມາ ຄະນະການນຳຂອງເມືອງພ້ອມ ຂະແໜງການທີ່ກ່ຽວຂ້ອງເມືອງ ອາດສະພອນ ຊຶ່ງນໍາໂດຍທ່ານ ຄໍາແພງ ເພັດທຸມພອນ ເຈົ້າເມືອງ ອາດສະພອນ ໄດ້ລົງຕິດຕາມເບິ່ງ ການບຸກເບີກບ້ານຈັດສັນໃໝ່ເຂດ ຫ້ວຍງົວຄຳດົງຂັນຄຳ ທີ່ຂຶ້ນກັບຈຸດສຸມນາເລົ່າ.

 ຊຶ່ງເຂດຈັດສັນບ້ານໃໝ່ຫ້ວຍ ງົວຄໍາດົງຂັນຄໍາ ແມ່ນຢູ່ຫ່າງຈາກ ຫ້ອງການຈຸດສຸມນາເລົ່າໄປທາງ ທິດຕາອອກປະມານ 15 ກິໂລແມັດ, ໂດຍເຂດຈັນສັນໃໝ່ດັ່ງກ່າວນີ້ໄດ້ປະຕິບັດຕາມແຜນພັດທະນາ ທີ່ພັກ-ລັດໄດ້ວາງໄວ້ແນໃສ່ເພື່ອ ເປັນການຈັດສັນພູມລຳເນົາຄືນໃໝ່ເພື່ອໃຫ້ມີຄວາມແທດເໝາະ ແລະ ມີຄວາມສະດວກສະບາຍໃນການ ພັດທະນາເສດຖະກິດ-ສັງຄົມກໍ່ຄື ການຍົກສູງສະພາບການດຳລົງ ຊີວິດຂອງພໍ່ແມ່ປະຊາຊົນໃນເຂດບ້ານເປົ້າໝາຍໃຫ້ດີຂຶ້ນກວ່າເກົ່າ, ຊຶ່ງມີແຜນຍົກຍ້າຍຄອບຄົວປະຊາຊົນມາຢູ່ໃໝ່ຄື:ບ້ານຫ້ວຍງົວຄໍາ, ຊ້າງແຕ້ມ, ກະຕ່ອງ ແລະບ້ານບຸ່ງ, ຊຶ່ງລວມມີທັງໝົດ 133 ຄອບ ຄົວ,ມີຈໍານວນຄົນ 654 ຄົນ, ຍິງ 304 ຄົນ, ປະຈຸບັນໄດ້ມີ 60 ຄອບຄົວ ທີ່ໄດ້ຍົກຍ້າຍມາຢູ່ເຂດຈັດສັນດັ່ງກ່າວທີ່ທາງຄະນະກໍາມະການຈັດສັນພູມລໍາເນົາຂັ້ນເມືອງໄດ້ຈັດສັນໄວ້ໃຫ້ໃນນີ້ບ້ານຫ້ວຍງົວຄໍາມີ 24 ຄອບຄົວ, ບ້ານ ຊ້າງແຕ້ມ 12 ຄອບຄົວ, ບ້ານ ກະຕ່ອງ 6 ຄອບຄົວ ແລະບ້ານ ບຸ່ງ 16 ຄອບ ຄົວ; ສ່ວນຄອບຄົວ ແລະປະຊາຊົນທີ່ຍັງເຫຼືອທາງ ເມືອງແມ່ນຈະໄດ້ສືບຕໍ່ປຸກລະດົມຊຸກຍູ້ໃຫ້ເຂົາເຈົ້າຍົກຍ້າຍມາຢູ່ຕາມແຜນທີ່ວາງໄວ້ ຊຶ່ງນອກຈາກຄອບ ຄົວໃນບ້ານເປົ້າໝາຍແລ້ວ, ບ້ານ ອ້ອມຂ້າງຕ່າງໆກໍ່ສາມາດຍົກຍ້າຍມາອາໄສຢູ່ໄດ້ ຕາມທີ່ທາງຄະນະຈັດສັນໄດ້ກໍານົດໄວ້ໃຫ້ໃນເນຶ້ອທີ່ທັງໝົດ 46, 2 ເຮັກຕາ, ທີ່ມີມູນຄ່າການບຸກເບີກເນື້ອທີ່ດັ່ງກ່າວທັງໝົດ 4,9 ຕື້ກວ່າກີບ. 

--------

ໜັງສືພິມເສດຖະກິດ-ສັງຄົມ

 

แชร์