ເມືອງລະມາມ ໄດ້ຮັບການຊ່ວຍເຫຼືອຈາກນະຄອນຕາມກີ ແຂວງກວາງນາມ

  ໃນວັນທີ 8 ພຶດສະພາຜ່ານມາທີ່ດ່ານນໍ້າຢາງແຂວງກວາງນາມ ໄດ້ຈັດພິທີມອບ-ຮັບອຸປະກອນການແພດໃຫ້ເມືອງລະມາມ ແຂວງເຊກອງ ຊຶ່ງແມ່ນການຊ່ວຍເຫຼືອຈາກອຳນາດການປົກຄອງ ແລະປະຊາຊົນນະຄອນຕາມກີ ແຂວງກວາງນາມ ສສ ຫວຽດນາມ ໂດຍການມອບຂອງທ່ານ ຫງຽນ ເຈືອງເຊິນ ຮອງຄະນະກຳມະການ ປະທານປະຊາຊົນນະຄອນຕາມກີກ່າວຮັບໂດຍທ່ານ ບົວໄລ ວິໄລວົງ ຮອງເລຂາພັກເມືອງປະທານກວດກາພັກ-ລັດ ເມືອງລະມາມ.


  ເຄື່ອງຊ່ວຍເຫຼືອທີ່ໄດ້ຮັບໃນຄັ້ງນີ້ປະກອບມີຊຸດປ້ອງກັນເຊື້ອພະຍາດ PPE 20 ຊຸດ, ເຈວລ້າງມື 150 ກວດ,ບາຫຼອດແທກແສງ 28 ເຄື່ອງ,ຖົງມື 255 ຊຸດ ແລະຜ້າປິດປາກ-ດັງ ຈໍານວນ 250 ກັບ ລວມມູນຄ່າ 100 ລ້ານດົ້ງ ຫຼືປະມານ 40 ກວ່າລ້ານກີບ.


 ໂອກາດນີ້ທ່ານ ບົວໄລ ວິໄລວົງ ຄະນະປະຈຳພັກຮອງເລຂາພັກເມືອງລະມາມກໍໄດ້ກ່າວສະແດງຄວາມຂອບໃຈຕໍ່ການນໍາ ແລະປະຊາຊົນນະຄອນຕາມກີທີ່ໄດ້ມອບຄວາມເປັນຫ່ວງເປັນໄຍຕໍ່ປະຊາຊົນຊາວເມືອງລະມາມໂດຍການປະກອບຊ່ວຍເຫຼືອອຸປະກອນໃນການປ້ອງກັນພະຍາດໂຄວິດ-19 ຊຶ່ງເຄື່ອງທີ່ໄດ້ຮັບທັງໝົດນີ້ການນໍາເມືອງຈະໄດ້ຈັດສັນມອບຕໍ່ການຊ່ວຍເຫຼືອໃຫ້ບັນດາຫ້ອງການອ້ອມຂ້າງ,ບ້ານ ແລະສຸກສາລາຂອງເມືອງໄດ້ນໍາໃຊ້ອຸປະກອນດັ່ງກ່າວໃຫ້ເກີດປະໂຫຍດສູງສຸດຕໍ່ວຽກງານ.

แชร์