ເລື່ອນສະມາຊິກພັກສຳຮອງຂື້ນສົມບູນ

 ພະແນກຖະແຫຼງຂ່າວ,ວັດທະນະທຳ ແລະທ່ອງທ່ຽວແຂວງບໍ່ແກ້ວຈັດພິທີເລື່ອນສະມາຊິກພັກສໍາຮອງຂຶ້ນສົມບູນ 1 ສະຫາຍ ແລະມະຫາຊົນຂຶ້ນສໍາຮອງ 5 ສະຫາຍພິທີໄດ້ຈັດຂຶ້ນວັນທີ 7 ພຶດສະ ພາຜ່ານມາໂດຍການເປັນປະທານຂອງສະຫາຍ ສົມຄິດ ວົງປັນຍາ ເລຂາໜ່ວຍພັກຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງມີສະມາຊິກພັກສົມບູນ-ສໍາຮອງເຂົ້າຮ່ວມ.


ພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງວ່າດ້ວຍການອະນຸມັດເລື່ອນເອົາສະມາຊິກພັກສໍາຮອງຂຶ້ນເປັນສະມາຊິກພັກສົມບູນຂອງພັກປະຊາຊົນປະຕິວັດ ລາວ 1 ສະຫາຍ ຊຶ່ງຜູ້ກ່ຽວໄດ້ຜ່ານສະໄໝສໍາຮອງເປັນເວລາ 12 ເດືອນ ແລະຮັບເອົາມະຫາຊົນຜູ້ທີ່ມີຄວາມກ້າວໜ້າ 5 ສະຫາຍ, ຍິງ 3 ສະຫາຍ ບັນດາສະຫາຍແມ່ນໄດ້ຜ່ານການຮຽນສະໜັບສະໜູນ ແລະລະບຽບຂອງພັກປະຊາຊົນປະຕິວັດລາວຕາມລະບຽບພັກໃນການຈັດຕັ້ງປະຕິບັດໜ້າທີ່ວຽກງານວິຊາສະເພາະຜູ້ກ່ຽວມີຄວາມ ຫ້າວຫັນຕໍ່ໜ້າທີ່ວຽກງານ ແລະໄດ້ປະຕິບັດຕາມກົດລະບຽບພັກ, ລະບຽບລັດຖະກອນວາງອອກໄດ້ດີເປັນແບບຢ່າງນໍາໜ້າໃຫ້ແກ່ມະຫາຊົນ,ຈາກນັ້ນເລຂາໜ່ວຍພັກໄດ້ຂຶ້ນຈັບມືຮັບຮອງເອົາສະມາຊິກພັກສໍາຮອງເຂົ້າເປັນສະມາຊິກພັກສົມບູນໃໝ່ ແລະ ຮັບເອົາມະຫາຊົນຜູ້ມີຄວາມກ້າວໜ້າເຂົ້າເປັນສາມະຊິກພັກສໍາຮອງເປັນທາງ ການ.


 ໂອກາດນີ້ ສະຫາຍ ສົມຄິດ ວົງປັນຍາ ເລຂາໜ່ວຍພັກຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງໄດ້ໃຫ້ຄໍາໂອວາດຕັກເຕືອນຊີ້ນໍາເນັ້ນໜັກໃຫ້ສະມາຊິກພັກສົມບູນ ແລະ ສໍາຮອງທຸກສະຫາຍຈົ່ງພ້ອມກັນເອົາໃຈໃສ່ເຄື່ອນໄຫວປະຕິບັດໜ້າທີ່ວຽກງານຕາມພາລະບົດບາດ, ສິດ ແລະ ໜ້າທີ່ຂອງສະມາຊິກພັກຕາມ 5 ຫຼັກການ 3 ທິດນໍາ ແລະ 9 ຂໍ້ຫ້າມຂອງສະມາຊິກພັກວາງອອກໃຫ້ໄດ້ຢ່າງເຂັ້ມງວດ,ເພີ່ມທະວີຄວາມຮັກແພງຊ່ວຍເຫຼືອເຊິ່ງກັນ ແລະກັນ, ຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກທີ່ດີເດັ່ນຂອງພັກເພື່ອເຮັດໃຫ້ໜ່ວຍພັກພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງກາຍເປັນໜ່ວຍພັກທີ່ມີຄວາມເຂັ້ມແຂງ, ປອດໃສ ແລະໜັກແໜ້ນໃນຕໍ່ໜ້າ.

แชร์