ໂຄງການກໍ່ສ້າງຂົວຫ້ວຍພະນອມ ສຳເລັດແລ້ວ 90%

    ໃນທ້າຍເດືອນເມສາຜ່ານມານີ້, ທ່ານ ຄຳແພງ ເພັດທຸມພອນ ເຈົ້າເມືອງອາດສະພອນ ໄດ້ລົງຕິດຕາມ ໂຄງການກໍ່ສ້າງຂົວຂ້າມ ຫ້ວຍພະນອມ (ສາຍທາງເລກທີ 10) ເຂດບ້ານພະນົມພອນ, ໂຄງ ການດັ່ງກ່າວໄດ້ເລີ່ມຈັດຕັ້ງປະຕິ ບັດມາແຕ່ວັນທີ 1 ພຶດສະພາ 2019 ມາຮອດປະຈຸບັນແມ່ນສຳເລັດແລ້ວ 90%, ຊຶ່ງຂົວມີຄວາມ ຍາວ 25  ແມັດ, ກວ້າງ 8,6  ແມັດ, ເປັນຂົວເບຕົງຮັບນໍ້າໜັກໄດ້ 30 ໂຕນ, ມີມູນຄ່າໃນການກໍ່ສ້າງທັງໝົດ 4 ຕື້ກວ່າກີບ ໂດຍແມ່ນບໍລິສັດຄູນໄຊພັດທະນາເປັນຜູ້ຮັບເໝົາ ກໍ່ສ້າງ.

  ຫ້ວຍພະນອມ ເປັນອີກຈຸດໜຶ່ງ ໃນສາຍທາງເລກທີ 10 ທີ່ສ້າງ ຄວາມລຳບາກໃຫ້ພໍ່ແມ່ປະຊາຊົນ ທີ່ສັນຈອນໄປມາລະຫວ່າງເມືອງ ອາດສະພອນ ແລະເມືອງອຸທຸມພອນ ແຂວງສະຫວັນນະເຂດ ເພາະເມື່ອ ຮອດລະຝົນມີນໍ້າຫຼາກເຮັດໃຫ້ເສັ້ນທາງຖືກຕັດຂາດປະຊາຊົນ ບໍ່ສາມາສັນຈອນໄປມາໄດ້ ແລະປະຈຸບັນນີ້, ຖືວ່າໂຄງການກໍ່ສ້າງ ຂົວ ດັ່ງກ່າວເກືອບຈະສຳເລັດເປັນທີ່ ຮຽບຮ້ອຍແລ້ວ ແລະໃນລະຝົນທີ່ຈະມາເຖິງນີ້ພໍ່ແມ່ປະຊາຊົນຈະໃດ້ຊົມໃຊ້ຂົວດັ່ງກ່າວຢ່າງແນ່ນອນ.

-------

ໜັງສືພິມເສດຖດກິດ-ສັງຄົມ

แชร์