ປາກທາເລັ່ງກ່ຽວເຂົ້ານາແຊງໃຫ້ສຳເລັດເດືອນນີ້

  ປະຈຸບັນຊາວກະສິກອນເມືອງປາກທາ ແຂວງບໍ່ແກ້ວ ພວມເກັບກ່ຽວເຂົ້ານາແຊງຕາມລະດູການຢ່າງຂຸ້ນຂ້ຽວເນື້ອທີ່ທຳການຜະລິດ 333 ເຮັກຕາ ຄາດໃຫ້ສຳເລັດເດືອນນີ້.

  ທ່ານ ນາງ ທິບພະຈັນ ຈັນທະລາດ ຮອງຫົວໜ້າຫ້ອງການກະສິກຳ ແລະປ່າໄມ້ເມືອງໃຫ້ຮູ້ອີກວ່າ: ສຳລັບເມືອງປາກທາມີເນື້ອທີ່ທຳການຜະລິດ 333 ເຮັກຕາ ມີຈຳນວນ 20 ບ້ານ, 394 ຄອບຄົວ, ຕາມແຜນການປີແມ່ນ 317 ເຮັກຕາ ທຽບໃສ່ຕົວຈິງເຫັນວ່າລື່ນແຜນການ 16 ເຮັກຕາເທົ່າກັບ 5% ສາເຫດທີ່ພາໃຫ້ມີເນື້ອທີ່ການຜະລິດເຂົ້ານາແຊງເພີ່ມຂຶ້ນສາເຫດອັນເນຶ່ອງມາຈາກການຜະລິດເຂົ້ານາປີໃນລະດູການ ທີ່ຜ່ານມາໄດ້ຮັບຜົນກະທົບຈາກໄພທຳມະຊາດ (ໄພແຫ້ງແລ້ງ) ຜົນຜະ ລິດຂອງພໍ່ແມ່ປະຊາຊົນຫຼຸດຄາດໝາຍ (ໜ້ອຍກວ່າແຕ່ລະປີ) ເຮັດໃຫ້ເຂົ້າບໍ່ພຽງພໍຕໍ່ກັບການບໍລິໂພກ ແລະການສະໜອງເຂົ້າສູ່ຕະຫຼາດ.

  ສະນັ້ນປະຊາຊົນຈຶ່ງຫັນມາສຸມໃສ່ການຜະລິດເຂົ້ານາແຊງເພີ່ມຂຶ້ນ ແລະໃນວັນທີ 5 ພຶດສະພາ 2020 ນີ້ທາງຄະນະຫ້ອງການກະຊິກຳແລະປ່າ ໄມ້ເມຶອງຂອງພວກເຮົາຍັງໄດ້ລົງຕິດຕາມການເກັບກ່ຽວຜົນຜະລິດເຂົ້ານາ ແຊງຢູ່ກຸ່ມບ້ານກ້ອນຕຶີ່ນ-ຈຽງຕອງທີ່ ກຳລັງຂຸ້ນຂ້ຽວເກັບກ່ຽວເຂົ້ານາແຊງ ເລັດໄປແລ້ວ 40% ຊຶ່ງພາຍໃນກຸ່ມບ້ານ ດັ່ງກ່າວເປັນຈຸດສຸມຕົ້ນຕໍໃນການປູກ ເຂົ້ານາແຊງຫຼາຍກວ່າໝູ່ພາຍໃນເມຶີອງໂດຍກວມເອົາເນຶີ້ອທີ່ທັງໝົດ 114 ເຮັກຕາ, ລວມມີ 159 ຄອບຄົວ, ມີຈຳນວນ 4 ບ້ານຄຶີ: ບ້ານກ້ອນຕຶ່ນ, ບ້ານປາກໂຊະ, ບ້ານປາງສາແລະບ້ານດົງ, ຄາດຄະເນສະມັດຕະພາບຜົນຜະລິດ 3 ໂຕນຕໍ່ເຮັກຕາ ແລະ ການເກັບກ່ຽວຈະໃຫ້ສຳເລັດໃນທ້າຍເດຶອນພຶດສະພານີ້.  

---------------

ຂຽນໂດຍ: ບົວອາດ  

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์