ສະເໜີໃຊ້ງົບ 33 ຕື້ກີບ ເພື່ອຊື້ເຄື່ອງມືການແພດຮີບດ່ວນ

 ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ຍັງຂາດງົບປະມານ ແລະຂາດເຂີນເຄື່ອງມືອຸປະກອນການແພດທີ່ມີຄວາມຈຳ ເປັນຮີບດ່ວນເຊັ່ນ: ອຸປະກອນການແພດເຄື່ອງມາປ້ອງກັນການຕິດເຊື້ອ, ພາຫະນະຂົນສົ່ງຄົນເຈັບ ແລະຢາປົວພະຍາດເພື່ອມາໃຊ້ວຽກປ້ອງກັນໂຕ້ຕອບພະຍາດໂຄວິດ -19 ຊຶ່ງຄາດ ຄະເນນຳໃຊ້ງົບປະມານ 33 ຕື້ກວ່າກີບ.
  ອີງໃສ່ບົດລາຍງານຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ໃນວັນທີ 6 ພຶດສະພາ 2020 ໃຫ້ຮູ້ວ່າ: ຜ່ານມການ ຈັດຕັ້ງປະຕິບັດງົບປະມານບ້ວງເງິນແຮ ສຸກເສີນຂອງລັດຖະບານສັງລວມຮອດ ວັນທີ 6 ພຶດສະພາ 2020 ແມ່ນ 30 ຕື້ ກີບ ໃນນີ້ໄດ້ອະນຸມັດເງິນແຮສຸກເສີນຄັ້ງທີ 1 ຈຳນວນ 10 ຕື້ກີບເຊັ່ນ: ໄດ້ຈັດຊື້ອຸປະ ກອນການແພດ, ໜ້າກາກອະນາໄມ, ເຄື່ອງເຄມີ, ເຈ່ວລ້າງມື, ການຈັດສົ່ງອະ ປະກອນການແພດ ແລະອື່ນໆ 6,64 ຕື້ກີບ ພ້ອມນັ້ນໄດ້ຈ່າຍລ່ວງໜ້າໃຫ້ກະຊວງສາທາລະນະສຸກ 100 ລ້ານກີບ ສ່ວນຄັ້ງທີ່ 2 ໄດ້ອະນຸມັດເງິນແຮສຸກເສີນ 20 ຕື້ກີບ ໃນນັ້ນໄດ້ຈ່າຍໃຫ້ນະຄອນຫຼວງວຽງ ຈັນ ແລະບັນດາແຂວງທົ່ວປະເທດ 15,9 ຕື້ກີບ, ກະຊວງປ້ອງກັນຄວາມສະຫງົບ 500 ລ້ານກີບ ນອກນັ້ນຍັງຈ່າຍຊ່ວຍໜຸນໃຫ້ ນັກສືກສາລາວຢູ່ເມືອງອູຮັນ, ຊ່ວຍຊ່ຽວ ຊານແພດຈີນໄປເຄື່ອນໄຫວຢູ່ທ້ອງຖິ່ນ ຈຳນວນ 164 ລ້ານກີບ ລວມຍອດເຫຼືອ ທັງໝົດ 6,66 ຕືກີບ ພ້ອມນັ້ນຍັງໄດ້ບ້ວງເງິນທີ່ໄດ້ຮັບຈາກການຊ່ວບເຫຼືອຂອງ ອົງການຈັດຕັ້ງລັດ ແລະພາກສ່ວນຂອງ ສັງຄົມຕື່ມອີກຈຳນວນ 11 ຕື້ກວ່າກີບ, ເງິນໂດລາ 4,88 ແສນໂດລາ ແລະ ສະກຸນເງິນ 2,5 ລ້ານບາດ.
  ຢ່າງໃດກໍ່ຕາມອີງຕາມການຄົ້ນຄວ້າດ້ານວິຊາການເພື່ອປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ເຫັນວ່າ: ເຄື່ອງອຸປະກອນການດ້ານແພດຍັງຂາດເຂີນ ແລະມີຄວາມຕ້ອງການຈຳເປັນຮີບດ່ວນເຊັ່ນ: ອຸປະກອນການແພດເຄື່ອງມາປ້ອງກັນການຕິດເຊື້ອ, ພາຫະນະຂົນສົ່ງຄົນເຈັບ ແລະຢາປົວພະຍາດສະນັ້ນຈຶ່ງສະເໜີນຳໃຊ້ເງິນບ້ວງຮັບບໍລິຈາກຂອງສັງຄົມຈັດຊື້ເຄື່ອງຕິດຕາມຄົນເຈັບຈຳນວນ 23 ເຄື່ອງ ເພື່ອປະກອບໃສ່ໂຮງໝໍສູນກາງ, ເຄື່ອງຊ່ວຍຫາຍໃຈ 14 ເຄື່ອງ ເພື່ອມາປະກອບໃຫ້ໂຮງໝໍສູນກາງ 7 ເຄື່ອງ ແລະໂຮງໝໍພາກ 7 ເຄື່ອງ,ລົດຮັບສົ່ງຄົນເຈັບແບບລົດຕູ້ທີ່ຮັບໃຊ້ສະເພາະໂຄວິດ-19, 1 ຄັນເພື່ອປະກອບໃຫ້ໂຮງໝໍມິດຕະພາບ ແລະລົດຕູ້ຮັບສົ່ງຄົນເຈັບທີ່ມີອຸປະກອນຄົບຊຸດຈຳນວນ 2 ຄັນ ເພື່ອປະກອບໂຮງໝໍ 103.


  ນອກນັ້ນຍັງຂາດເຂີນປະເພດຢາຂ້າເຊື້ອພະຍາດຈຶ່ງສະເໜີນຳໃຊ້ບ້ວງເງິນງົບປະມານຂອງລັດຈັດຊື້ຮີບດ່ວນເຊັ່ນ: ເຈວລ້າງມື 20 ພັນກ່ອງໃນນັ້ນຢ້າຍໃຫ້ສູນກາງ 3 ພັນກ່ອງ, ທ້ອງຖິ່ນ 17 ພັນກ່ອງ ແລະຊຸດ PPE ຈຳນວນ 20 ພັນຊຸດ ເພື່ອຢ້າຍໃຫ້ສູນກາງ 10 ພັນຊຸດ, ທ້ອງຖິ່ນ 10 ພັນຊຸດ ແລະຜ້າກາກອະນາໄມສຳລັບແພດຈຳນວນ 5 ລ້ານກ່ອງ ເພື່ອຢ້າຍໃຫ້ສູນກາງ 2 ລ້ານອັນ, ທ້ອງຖິ່ນ 3 ລ້ານອັນ ແລະລົດຮັບສົ່ງຄົນເຈັບແບລົດຕູ້ມີອຸປະກອນພື້ນຖານ 7 ຄັນ ເພື່ອປະກອບໃຫ້ໂຮງໝໍແຂວງໂດຍຄາດຄະນຳໃຊ້ງົບປະມານທັງໝົດແມ່ນປະມານ 33 ຕື້ກວ່າກີບ.

_______________

ໜັງສືພິມເສດຖະກິດ-ສັງຄົມ

แชร์