ຫວຽດນາມທົດລອງວັກແຊງກັນພະຍາດໂຄວິດໃສ່ໝູ

  ຄາດວ່າ ໃນອີກ 2-3 ອາທິດຕໍ່ໜ້າຈະຮູ້ຜົນການຕອບສະໜອງຂອງພູມຄຸ້ມກັນ ແລະຄວາມປອດໄພໂດຍຜົນວິໄຈໃນເບື້ອງຕົ້ນນີ້ເປັນຄວາມຮ່ວມມືຂອງບັນດານັກວິທະ ຍາສາດຂອງບໍລິສັດ VABIOTECH ແລະມະຫາວິທະຍາໄລ Bristol ຂອງອັງກິດ.
  ຕາມຂ່າວສານຫວຽດນາມລາຍງານວ່າຕາມຄະນະຊີ້ນໍາວຽກງານປ້ອງກັນ ແລະສະກັດກັ້ນໂລກລະບາດໂຄວິດ - 19 ແຫ່ງຊາດ ຂອງ ສສ ຫວຽດນາມ ລະບຸວ່າໄລ່ຮອດຕອນ 6 ໂມງຂອງວັນທີ 4 ພຶດສະພາ, ຫວຽດນາມ ຢັ້ງຢືນ ບໍ່ພົບກໍລະນີຕິດເຊື້ອໂຄວິດ - 19 ໃໝ່ຕື່ມອີກ ເປັນອັນວ່າ ໃນ 18 ວັນ ຢ່າງລ່ຽນຕິດຫວຽດນາມຢັ້ງຢືນບໍ່ມີກໍລະນີຕິດເຊື້ອໃໝ່ໃນຊຸມຊົນໂດຍຍອດຈໍານວນຜູ້ຕິດເຊື້ອໄວຣັດໂຄວິດ-19 ຢູ່ຫວຽດນາມແມ່ນ 271 ກໍລະນີ, ໃນນັ້ນ, ມີ 219 ກໍລະນີ ໄດ້ຮັບການປິ່ນປົວຫາຍດີເປັນປົກກະຕິ ແລະ ຍັງບໍ່ທັນມີກໍລະນີໃດເສຍຊີວິດສຳລັບວຽກງານຄົ້ນຄວ້າວັກແຊງຕ້ານພະຍາດໂຄວິດ-19 ຢູ່ຫວຽດນາມເມື່ອວັນທີ 3 ພຶດສະພາ, ບໍລິສັດ MTV ວັນຊີນ ແລະຢາຊີວະພາບເລກ 1 ຈໍາກັດ (VABIOTECH) ຂອງກະຊວງສາທາລະນະສຸກໄດ້ແຈ້ງໃຫ້ຊາບວ່າ, ໄດ້ເລີ່ມຄົ້ນຄວ້າ, ທົດລອງວັກແຊງໂຄວິດ - 19 ໃສ່ໂຕໜູເພື່ອຕີລາຄາຄວາມອາດສາມາດໃນການສ້າງພູມຕ້ານທານຕ້ານເຊື້ອໄວຣັດໂຄວິດ-19 ຄາດວ່າພາຍຫຼັງ 2-3 ອາທິດ ຈະຮູ້ຜົນກ່ຽວກັບລະດັບຕ້ານທານ ແລະຄວາມປອດໄພ.


 ທ່ານປະລິນຍາເອກ ໂດ໊ຕ໊ວນ ດາດ, ຜູ້ອໍານວຍການບໍລິສັດ VABIOTECH ໃຫ້ຮູ້ວ່າ: “ນີ້ແມ່ນຂັ້ນຕອນທໍາອິດເພື່ອຕີລາຄາວ່າແຊນພູມຕ້ານທານສາມາດສ້າງ ທາດພູມຕ້ານທານໃນຮ່າງກາຍສັດໄດ້ຫຼືບໍ? ນີ້ແມ່ນຂັ້ນຕອນສໍາຄັນທີ່ສຸດ. ຂັ້ນຕອນຕໍ່ໄປ, ຖ້າຫາກສໍາເລັດ, ພວກເຮົາຈະເລືອກເອົາຜູ້ສະໝັກເພື່ອເປັນປະຖົມວິໄຈສືບຕໍ່ໄປ, ກໍ່ສ້າງວິວັດການຜະລິດ, ຂອບຂະໜາດຫ້ອງທົດລອງ ແລ້ວຜັນຂະຫຍາຍໃນຂອບຂະໜາດໃຫຍ່ກວ່າເພື່ອສາມາດຕີລາຄາຢ່າງເລິກເຊິ່ງກວ່າໃນສັດກ່ຽວກັບລັກສະນະ ຄວາມປອດໄພກໍຄືການຕອບສະໜອງຂອງທາດພູມຕ້ານທານ, ຄວາມສາມາດໃນການປ້ອງກັນຂອງວັກແຊງ”

แชร์