ຂໍ້ຕົກລົງ RCEP ຈະໄດ້ລົງນາມພາຍໃນປີນີ້

  ໃນບົດກ່າວປາໄສສະບັບໜຶ່ງໃນວັນທີ 3 ພຶດສະພາທີ່ຜ່ານມາທ່ານ Chan Chun Sing ລັດຖະມົນຕີກະຊວງການຄ້າ ແລະອຸດສາຫະກຳສິງກະໂປໄດ້ຢັ້ງຢືນວ່າສັນ ຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ຈະໄດ້ຮັບການລົງນາມໃນທ້າຍປີນີ້.
  ຕາມຂ່າວສານຫວຽດນາມລາຍງານວ່າທ່ານ Chan Chun Sing ກ່າວວ່າບັນດາຝ່າຍເຂົ້າຮ່ວມການເຈລະຈາທັງໝົດລ້ວນແຕ່ເຫັນດີເປັນເອກະພາບວ່າການລົງ ນາມໃນ RCEP ໃນປີ 2020 ແມ່ນສຳຄັນທີ່ສຸດເພື່ອແນໃສ່ປັບປຸງ ແລະຊຸກຍູ້ຄວາມໄວ້ເນື້ອເຊື່ອໃຈຕໍ່ພື້ນຖານເສດຖະກິດທົ່ວໂລກກໍ່ຄືເສດຖະກິດພາກພື້ນ ແລະພິເສດແມ່ນໃນສະພາບການປະສົບກັບຄວາມຫຍຸ້ງຍາກຍ້ອນໂລກລະບາດຄືໃນປະຈຸບັນໂດຍໃຫ້ຮູ້ວ່າບັນດາການປຶກສາຫາລື, ກອງປະຊຸມວິຊາການຕາມຮູບແບບອອນລາຍຂອງບັນດາຝ່າຍເຂົ້າຮ່ວມການເຈລະຈາ RCEP ໄດ້ ແລະພວມໄດ້ຮັບການດຳເນີນ, ພ້ອມທັງທ່ານກໍ່ໃຫ້ຮູ້ວ່າບໍ່ມີສັນຍານຮ້າຍແຮງທີ່ສະແດງໃຫ້ເຫັນຄວາມຊັກຊ້າ ຫຼືຕ້ອງໂຈະການລົງນາມໃນຂໍ້ຕົກລົງດັ່ງກ່າວ.


 ຄາດວ່າຫຼັງຈາກໄດ້ຮັບການລົງນາມຈະເປັນເຂດເສດຖະກິດການຄ້າເສລີທີ່ໃຫຍ່ທີ່ສຸດໂດຍມີປະເທດສະມາຊິກອາຊຽນ,ອົດສະຕາລີ, ສປ ຈີນ, ຍີ່ປຸ່ນ,ນູແວນເຊລັງ ແລະ ສ.ເກົາຫຼີເ ຂົ້າຮ່ວມຍົກເວັ້ນອີນເດຍທີ່ຖອນຕົວອອກຈາກຂໍ້ຕົກລົງໃນເດືອນພະຈິກປີ 2019.

____________

ໜັງສືພິມເສດຖະກິດ-ສັງຄົມ

แชร์