ຜິວໜ້າກັບມາຂາວໃສດ້ວຍສະໝຸນໄພທໍາມະຊາດ

 ຖ້າຈະເວົ້າເຖິງເລື່ອງພອກໜ້າຜູ້ຊາຍສ່ວນຫຼາຍບໍ່ຄ່ອຍສົນໃຈ ເພາະຄິດວ່າມັນເປັນເລື່ອງທີ່ຫຍຸ້ງ ຍາກ, ມີຫຼາຍຂັ້ນຕອນ, ກະກຽມເຄື່ອງຫຼາຍຢ່າງ ຫຼື ອາດຈະເປັນວິທີການເຂົ້າຄອສ໌ລາຄາແພງກໍເສຍດາຍເງິນ, ຊຶ່ງໃນຄໍລໍ້າສາລະໜ້າຮູ້ ມື້ນີ້ພວກເຮົາມີສູດການພອກໜ້າ ແບບງ່າຍໆມາຝາກກັນ.

  • ໝາກແຕງ ປະສົມກັບນໍ້າເຜິ້ງ ແລະໝາກນາວເລັກໜ້ອຍປັ່ນເຂົ້າກັນໃຫ້ລະອຽດແລ້ວນໍາມາພອກໜ້າປະໄວ້ປະມານ 15-20 ນາທີ ແລ້ວລ້າງອອກດ້ວຍນໍ້າສະອາດຈະຊ່ວຍຫຼຸດຄວາມມັນເທິງໃບໜ້າ, ເຮັດໃຫ້ຜິວຂາວໃສ ແລະຊ່ວຍເຮັດ ໃຫ້ຮູຂຸມຂົນກະຊັບ.
  • ນໍ້າໝາກນາວປະສົມກັບໂຢ ເກິດ ແລະນໍ້າຜິ້ງເລັກໜ້ອຍພອກ ໜ້າປະໄວ້ປະມານ 10-15 ນາທີ ແລ້ວລ້າງອອກຕາມປົກກະຕິຜິວ ໜ້າຂອງເຮົາຈະຂາວໃສຂຶ້ນ.
  • ໝາກເລັ່ນ: ນໍາເອົາໝາກ ເລັ່ນມາປັ່ນໃຫ້ລະອຽດຈາກນັ້ນໃຊ້ ສໍາລີຈຸ່ມນໍ້າໝາກເລັ່ນມາພອກໜ້າ ໄວ້ປະມານ 10-15 ນາທີຈະຊ່ວຍ ກໍາຈັດສິວສ້ຽນເທິງໃບໜ້າໄດ້.
  • ໄຂ່ຂາວ: ລ້າງໜ້າດ້ວຍນໍ້າອຸ່ນເພື່ອໃຫ້ຮູຂຸມຂົນເປີດຈາກນັ້ນ,ໃຊ້ແພເຊັດໜ້າໃຫ້ແຫ້ງແລ້ວນໍາເອົາໄຂ່ຂາວພອກໃຫ້ທົ່ວໃບໜ້າປະໄວ້ປະມານ 15-20 ນາທີ ຫຼື ຈົນໄຂ່ແຫ້ງຈະເຮັດໃຫ້ໜ້າຂາວສະອາດ, ຊ່ວຍຫຼຸດສິວສ້ຽນ ແລະສິວອັດຕັນໄດ້ຢ່າງມີປະສິດທິພາບ.

 

ຮຽບຮຽງໂດຍ: ຟ້າ

 

แชร์