4 ແຂວງພາກໃຕ້ ໄດ້ຮັບອຸປະກອນການເເພດເພື່ອປ້ອງກັນໂຄວິດ-19

 ໃນວັນທີ 29 ເມສາ 2020  ແຂວງກອນຕູມ ສສ ຫວຽນາມ ໄດ້ນໍາເອົາເຄື່ອງຊ່ວຍເຫຼືອເພື່ອປ້ອງກັນພະຍາດໂຄວິດ-19 ມາມອບໃຫ້ແກ່ 4 ແຂວງພາກໃຕ້ຂອງລາວ, ຊຶ່ງມີແຂວງຈໍາປາສັກ, ສາລະວັນ,ເຊກອງ ແລະແຂວງອັດຕະປື, ເຄື່ອງຊ່ວຍເຫຼືອປະກອບມີຜ້າອັດປາກ-ດັງການແພດ 3 ຊັ້ນ ແລະຜ່າອັດປາກ N95 ຈຳ ນວນ 100 ອັນ,ແວ່ນຕາໃສທຳມະດາ 100 ອັນ, ເຈວລ້າງມື 500 ແກ້ວ,ເຈວຂ້າເຊື້ອ 500 ແກ້ວ,ເຄື່ອງແທກຄວາມດັນ 9 ອັນ, ອຸປະກອນເອົາເລືອດວິເຄາະ 100 ຊຸດ ແລະອຸປະກອນອື່ນໆ ຈຳນວນໜຶ່ງລວມມູນຄ່າ 200 ລ້ານດົ້ງ.

  ພິທີມອບ-ຮັບໄດ້ຈັດຂຶ້ນທີ່ຈຸດຫຼັກໜາຍໃຫຍ່ 790 ດ່ານສາ ກົນພູເກືອ-ເບີອີແຂວງອັດຕະປື ແລະແຂວງກອນຕູມ ສສ ຫວຽດ ນາມ, ກ່າວມອບເຄື່ອງຊ່ວຍເຫຼືອ ດັ່ງກ່າວໂດຍທ່ານ ຫວງນ ວັນ ຮ່ວາ ຮອງເລຂາປະທານຄະກຳ ມະການປະຊາຊົນແຂວງກອນຕູມ ສສ ຫວຽດນາມ ແລະຮັບໂດຍການນໍາທັງ  4  ແຂວງພາກໃຕ້ຂອງລາວ ໂດຍຊ້ອງໜ້າພາກສ່ວນທີ່ ກ່ຽວຂ້ອງເຂົ້າຮ່ວມເປັນສັກຂີພິຍານ.

 ພາຍຫຼັງສຳເລັດພິທີແລ້ວທາງທີມງານພະແນກສາທາລະນະສຸກ ແຂວງອັດຕະປື ຍັງໄດ້ໄປເບິ່ງຈຸດ ກັ່ນກອງຄົນເຂົ້າ-ອອກ ແລະແນະ ນຳກັບທີ່ກ່ຽວກັບການອະນາໄມ ຂ້າເຊື້ອໃຫ້ພະນັກງານແພດໝໍທີ່ປະຈຳຢູ່ດ່ານສາກົນພູເກືອ.

-------

ໜັງສືພິມເສດຖະກິດ-ສັງຄົມ

แชร์