ໃນວັນທີ30 ເມສາ 2020 ທະນາຄານການຄ້າຕ່າງປະເທດລາວມະຫາຊົນ(ທຄຕລ)ສາຂາແຂວງເຊກອງໄດ້ນໍາເອົາເຄື່ອງຊ່ວຍເຫຼືອມອບໃຫ້ເຈົ້າຫນ້າທີ່ຢູ່ຈຸດກັ່ນ ຕອງຄົນເຂົ້າ-ອອກເມືອງເພື່ອປ້ອງກັນພະຍາດໂຄວິດ-19 ຢູ່ຈຸດບ້ານເຊນໍ້ານ້ອຍ, ຂົວມິດຕະພາບລາວ-ຍີ່ປຸ່ນ ແຂວງເຊກອງ ແລະຈຸດບ້ານຮ່ອງໄລ່ກ່າວມອບໂດຍທ່ານ ຄອນປະເສີດ ຫຼວງສຸວັນນະວົງ ຫົວຫນ້າ ທຄຕລ ສາຂາ ແຂວງເຊກອງ ແລະກ່າວຮັບແມ່ນທ່ານ ຮອ ເພັດສະໄຫມ ຖິ່ນຫາດສາຍຄໍາ.

  ທ່ານ ຄອນປະເສີດ ຫຼວງສຸວັນນະວົງ ກາ່ວວ່າ : ການມອບເຄື່ອງຊ່ວຍເຫຼືອຄັ້ງນີ້ເປັນການປະກອບສ່ວນອັນສໍາຄັນເພື່ອຊ່ວຍເຫຼືອສັງຄົມດ້ວຍກັນໂດຍປະກອບມີນໍ້າດື່ມຈໍານວນ 30 ແກັດ, ຫນ້າກາກອະນາໄມ້ 3 ກັບ, ຄັນຮົ່ມໃຫຍ່ 3 ອັນ ແລະເສື້ອຍືດຄໍມົນ 14 ຜືນລວມມູນຄ່າ 3,5 ລ້ານກີບເຖີງວ່າເຄື່ຶງຊ່ວຍເຫຼືອດັ່ງກ່າວຈະມີມູນຄ່າບໍ່ຫຼາຍ, ແຕ່ມັນສະແດງໃຫ້ເຫັນເຖິງນໍ້າໃຈຄວາມສາມັກຄີຮັກແພງແບ່ງປັນຊ່ວຍເຫຼືອເຊິ່ງກັນ ແລະ ກັນໃນຍາມຫຍຸ້ງຍາກ ແລະ ທັງເປັນການໃຫ້ກໍາລັງໃຈແກ່ເຈົ້າ ໜ້າທີ່ຜູ້ເສຍສະຫຼະສະຕິປັນຍາ, ເຫື່ອແຮງເພື່ອຊ່ວຍຄວບຄຸມ ແລະຕ້ານການລະບາດຂອງພະຍາດໂຄວິດ-19.

ໂອກາດນີ້, ທ່ານ ຮອ ເພັດສະໄໝ ຖຶ່ນຫາດສາຍຄໍາ ໄດ້ກ່າວສະແດງຄວາມຂອບໃຈມາຍັງທະນາຄານການຄ້າຕ່າງປະເທດລາວມະຫາຊົນສາຂາແຂວງເຊກອງທີ່ໃຫ້ການສະໜັບສະໜູນຊ່ວຍເຫຼືອໃນຄັ້ງນີ້ ແລະຂໍຢືນຢັນວ່າພວກເຮົາຈະນໍາເອົາວັດຖຸດັ່ງກ່າວນໍາໃຊ້ໃຫ້ເປັນປະໂຫຍດ, ມີຜົນສໍາເລັດ ແລະນໍາໃຊ້ໃຫ້ຖືກເປົ້າຫມາຍ.

--------------------

ຂຽນໂດຍ: ສັນຍາ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ