ກະຊວງປ້ອງກັນປະເທດ ສະຫຼຸບວຽກງານປ້ອງກັນ, ຄວບຄຸມ ໂຄວິດ-19

 ຄະນະສະເພາະກິດປ້ອງກັນ,ຄວບຄຸມ ແລະແກ້ໄຂການລະບາດພະຍາດໂຄວິດ -19,ກະຊວງປ້ອງກັນປະເທດຈັດກອງປະຊຸມສະຫຼຸບການປະຕິບັດການປ້ອງກັນ, ຄວບ ຄຸມ ແລະແກ້ໄຂການລະບາດຂອງພະຍາດໂຄວິດ -19 ແລະ ວາງທິດທາງແຜນການໃນຕໍ່ໜ້າໄດ້ຈັດຂຶ້ນໃນວັນທີ 4 ພຶດສະພາ 2020, ຢູ່ທີ່ສະໂມສອນຫ້ອງວ່າການກະຊວງປ້ອງກັນປະເທດ,ໂດຍການເປັນປະທານຂອງສະຫາຍ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະສະເພາະກິດປ້ອງກັນ, ຄວບຄຸມ ແລະແກ້ໄຂການ ລະບາດຂອງພະຍາດໂຄວິດ -19, ຂັ້ນ ກະຊວງປ້ອງກັນປະເທດ, ບັນດາສະຫາຍ ອະນຸກໍາມະການ, ຄະນະສະເພາະກິດ 4 ກົມໃຫຍ່, ຫ້ອງການ, ກອງເລຂາ ແລະພາກສ່ວນກ່ຽວຂ້ອງເຂົ້າຮ່ວມສະຫາຍ ພົນຈັດຕະວາ ບົວສິງ ອິນທະວົງ ຄະນະພັກກົມໃຫຍ່ພະລາທິການກອງທັບ, ຫົວໜ້າກົມເສ ນາຮັກ, ຫົວໜ້າກອງເລຂາຄະນະສະເພາະກິດປ້ອງກັນ, ຄວບຄຸມ ແລະແກ້ໄຂການລະບາດພະຍາດໂຄວິດ-19 ໄດ້ຜ່ານບົດສະຫຼຸບ ແລະທິດທາງແຜນການໃນຕໍ່ໜ້າ ໃຫ້ຮູ້ວ່າ: ປະຈຸບັນພະຍາດໂຄວິດ-19 ໄດ້ມີການລະຍາດເປັນວົງກວ້າງໃນທົ່ວໂລກລະບາດໄປແລ້ວ 212 ປະເທດ/ເຂດ, ເຮືອສໍາລານ 2 ລໍາ, ປະຈຸບັນຫຼາຍປະເທດຍັງມີການແຜ່ລະບາດມີທ່າອ່ຽງເພີ່ມຂຶ້ນສໍາລັບ ສປປ ລາວມາຮອດປະຈຸບັນມີຜູ້ຕິດເຊື້ອ 19 ກໍລະນີ, ປິ່ນປົວຫາຍດີແລ້ວ 10 ກໍລະນີ. ນັບຕັ້ງແຕ່ພະຍາດໂຄວິດ-19 ມາລະບາດຢູ່ໃນ ສປປ ລາວ ພວກເຮົາກໍໄດ້ຈັດຕັ້ງຮັບສ່ອງແສງ-ລາຍງານສະພາບປະຈໍາວັນຢູ່ສູນບັນຊາຈາກກອງເລຂາ,ຄະນະສະເພາະກິດຂອງບັນດາກົມໃຫຍ່,ສ້າງແຜນ ແລະກວດກາສະຖານທີ່ຮອງຮັບຄົນເຈັບ, ປະກອບອຸປະກອນການແພດ, ຊີ້ນໍາພະນັກງານແພດໝໍກ່ຽວກັບເຕັກນິກວິຊາການ ແລະການປ້ອງກັນໂຕເອງເວລາປະຕິບັດໜ້າທີ່ຢູ່ໂຮງໝໍແຫ່ງຕ່າງໆ, ຊີ້ນໍາ ແລະແຈກຢາຍອຸປະກອນປ້ອງກັນພະຍາດໃຫ້ແຕ່ລະກົມກອງຢ່າງທົ່ວເຖິງ, ສ້າງແຜນຂໍການຊ່ວຍເຫຼືອບັນດາອຸປະກອນການແພດຈາກປະ ເທດເພື່ອນມິດຍຸດທະສາດ, ລົງເຜີຍແຜ່ ຄວາມຮູ້ກ່ຽວກັບຄວາມອັນຕະລາຍຂອງ ພະຍາດໂຄວິດ -19 ແລະວິທີປ້ອງກັນໂຕເອງໃຫ້ມີຄວາມປອດໄພໃຫ້ພະນັກ ງານ-ນັກຮົບຢູ່ແຕ່ລະກົມກອງ, ຢູ່ບັນດາ ອົງການ, ກົມກອງ, ໂຮງຮຽນ, ໂຮງໝໍນັບ ແຕ່ສູນກາງລົງຮອດທ້ອງຖິ່ນໄດ້ຈັດຕັ້ງຄ້າຍຄູເພື່ອວັດແທກອຸນຫະພູມ, ຕິດຕາມຜູ້ທີ່ສໍາພັດກັບຄົນຕິດເຊື້ອມານອນແຍກປ່ຽວຢູ່ໂຣງໝໍ, ລົງເຜີຍແຜ່ໂຄສະນາໃຫ້ຮູ້ເຖິງຄວາມອັນຕະລາຍຂອງພະຍາດດັ່ງກ່າວ ແລະປຸກລະດົມໃຫ້ທົ່ວກອງທັບປະຕິບັດຄໍາສັ່ງຂອງນາຍົກລັດຖະມົນຕີເລກທີ 06/ນຍ, ຊີ້ນໍາກໍາລັງຫຼວງ-ກໍາລັງທ້ອງ ຖິ່ນໃຫ້ຊ່ວຍເຫຼືອແຮງງານລາວທີ່ກັບມາແຕ່ຕ່າງປະເທດ, ນໍາໃຊ້ພາຫະນະທັງໜ້າດິນ ແລະອາກາດທີ່ໄດ້ຮັບການຊ່ວຍເຫຼືອ, ໄດ້ຕ້ອນຮັບຄະນະຊ່ຽວຊານການແພດຈາກກອງທັບ ສສ ຫວຽດນາມ ແລະກອງທັບປົດປ່ອຍປະຊາຊົນຈີນທີ່ມາເຮັດວຽກຢູ່ ສປປ ລາວ ສ້າງແຜນງົບປະມານວຽກງານເສດຖະກິດ, ວຽກງານຮັບປະກັນເພື່ອຮັບໃຊ້ໃຫ້ຄະນະສະເພາະກິດຂອງກະຊວງປ້ອງກັນປະເທດໃນເວລາລົງເຄື່ອນໄຫວຢູ່ກົມກອງ, ແກ້ໄຂວຽກງານຮັບປະກັນໃຫ້ຄະນະສະເພາະກິດ,ໄດ້ເຄື່ອນໄຫວສີດຢາຂ້າເຊື້ອພະຍາດຢູ່ກະຊວງປ້ອງກັນປະເທດ ແລະກົມກອງຢູ່ຂອບເຂດນະຄອນຫຼວງວຽງຈັນພ້ອມ ນີ້ຍັງໄດ້ຮັບຟັງການລາຍງານບັນດາເຄື່ອງຊ່ວຍເຫຼືອຕ່າງໆທັງພາຍໃນ ແລະຕ່າງປະເທດໃນກອງປະຊຸມຄະນະຮັບຜິດຊອບແຕ່ລະວຽກກໍໄດ້ລາຍງານສະພາບການປະຕິ ບັດຢູ່ໃນຂອບເຂດຄວາມຮັບຜິດຊອບຂອງຕົນໃຫ້ຜູ້ເຂົ້າຮ່ວມກອງປະຊຸມໄດ້ຊາບໂອກາດນີ້ສະຫາຍປະທານກອງປະຊຸມຍັງໄດ້ໃຫ້ທິດຊີ້ນຳຄະນະສະເພາະກິດກ່ອນອື່ນສະຫາຍໄດ້ຊົມເຊີຍການປະຕິບັດໜ້າທີ່ຢ່າງຕັ້ງໜ້າຂອງຄະນະສະເພາະກິດກະຊວງປ້ອງກັນປະເທດທີ່ໄດ້ປະຕິບັດຢ່າງເຂັ້ມງວດຈົນເຮັດໃຫ້ອ້າຍນ້ອງພະນັກງານ-ນັກ ຮົບບໍ່ມີຜູ້ຕິດເຊື້ອພະຍາດດັ່ງກ່າວ,ຊຶ່ງທັງໝົດກໍແມ່ນຍ້ອນພັກ-ລັດຖະບານໄດ້ວາງມາດຕາການອອກມາຢ່າງເຂັ້ມງວດພ້ອມດຽວກັນນີ້ສະຫາຍຍັງໄດ້ຮຽກຮ້ອງໃຫ້ຄະ ນະສະເພາະກິດຂັ້ນກະຊວງ ແລະຄະນະພັກ-ຄະນະບັນຊາຈົ່ງພ້ອມກັນເອົາໃຈໃສ່ຢ່າງມີສະຕິຢ່າປະໝາດເຮັດຢ່າງຈິງຈັງ, ສືບຕໍ່ປະຕິບັດຄຳສັ່ງຂອງຂັ້ນເທິງວາງອອກຢ່າງເຂັ້ມງວດ.

____________

ຂຽນໂດຍ: ແສງເດືອນ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์