ນັກພັດທະນາຊອບແວຄອງແຊ໋ມ ອາຊີບທີ່ດີທີ່ສຸດແຫ່ງປີນີ້

  ມະນຸດເຮົາຕ້ອງການທີ່ຈະເຮັດວຽກນ້ອຍໆແຕ່ໄດ້ເງິນເດືອນສູງໆແຕ່ໃນຄວາມເປັນຈິງແລ້ວ ງານທີ່ໄດ້ເງິນເດືອນສູງມັກຈະມາພ້ອມກັບຄວາມຄຽດຫຼາຍຢ່າງວັນນີ້ຈະມາເບິ່ງກັນວ່າວຽກທີ່ທ່ານກຳລັງເຮັດຢູ່ໃນຕອນນີ້ເຂົ້າຂ່າຍ “ວຽກທີ່ດີທີ່ສຸດແຫ່ງປີ 2019” ຫຼື ບໍ່?

ລາຍງານຂອງ U.S News & World Report ລະບຸວ່າອາຊີບນັກພັດທະນາຊອບແວເປັນອາຊີບທີ່ດີທີ່ສຸດໃນປີໃໝ່ນີ້ເງິນເດືອນສະເລ່ຍສຳລັບນັກພັດທະນາຊອບແວຢູ່ທີ່ 101.790 ໂດລາສະຫະລັດຕໍ່ປີ ແລະອັດຕາການວ່າງງານຢູ່ທີ່ 1,9 % ຕາມຂໍ້ມູນຫຼ້າສຸດຈາກສຳນັກສະຖິຕິແຮງງານຂອງອາເມລິ ກາ ເຖິງແມ່ນວ່າອາຊີບນັກພັດທະນາຊອບແວຈະບໍ່ໄດ້ມີອັດຕາສະເລ່ຍຂອງເງິນເດືອນສູງທີ່ສຸດຫຼືບໍ່ໄດ້ມີອັດຕາການວ່າງງານຕໍ່າທີ່ສຸດແຕ່ຄາດການວ່າຄວາມຕ້ອງການໃນຕຳແໜ່ງງານນີ້ຈະມີເພີ່ມຫຼາຍຂຶ້ນປະມານ 30 %ລະຫວ່າງປີ 2016 ແລະ2026 Rebecca Koening ຜູ້ສື່ຂ່າວ U.S.News and World Report ກ່າວວ່າລະດັບຄວາມຄຽດໂດຍສະເລ່ຍຊ່ວຍໃຫ້ອາຊີບນັກພັດທະນາຊອບແວນີ້ຕິດຢູ່ໃນອັນດັບຕົ້ນໆເພາະເປັນວຽກທີ່ມີຄວາມຄຽດນ້ອຍກວ່າວຽກອື່ນໆສ່ວນອາຊີບອື່ນໆທີ່ຕິດ 10  ອັນດັບວຽກທີ່ດີທີ່ສຸດຂອງອາເມລິກາໃນປີ 2019 ຄືອາຊີບແພດເດັກ (ອັນດັບ 8) ພະຍາບານປະຕິບັດອັນດັບ 7 ແລະທັນຕະແພດອັນດັບ 4 ສ່ວນອັນດັບທີສອງຄືອາຊີບນັກສະຖິຕິຊຶ່ງເລື່ອນຂຶ້ນມາສີ່ອັນດັບຈາກເມື່ອປີທີ່ແລ້ວ ແລະອັດຕາການວ່າງງານຂອງອາຊີບນີ້ກໍຫຼຸດລົງຈາກ 1,4% ເຫຼືອພຽງ 0,9% ສະຫຼຸບ 10 ອັນດັບທຳອິດຂອງອາຊີບທີ່ດີທີ່ສຸດໃນປີ 2019; ອັນດັບ 1. ນັກພັດທະນາຊອບແວ, 2.ນັກສະຖິຕິ  3. ຜູ້ຊ່ວຍແພດ, 4. ທັນຕະແພດ, 5. ມີ 2 ອາຊີບຄື: ທັນຕະແພດຈັດແຂ້ວ ແລະພະຍາບານຜູ້ຊ່ວຍ, 7. ພະຍາບານປະຕິບັດ, 8. ແພດເດັກ, 9. ມີ 4 ອາຊີບດ້ວຍກັນຄື: ແພດປະສູດ, ແພດຜ່າຕັດຜົ້ງປາກ ແລະໃບໜ້າຄາງກະໄຕ, ທັນຕະແພດທັນຕະກຳປະດິດ ແລະແພດປິ່ນປົວພາຍໃນ.

U.S. News & World Re port ດຶງຂໍ້ມູນກ່ຽວກັບອັດຕາການຈ້າງງານສູງສຸດນີ້ມາຈາກສຳນັກງານສະຖິຕິແຮງງານຂອງອາເມລິກາ ເພື່ອຄຳນວນວ່າອາຊີບໃດຄືອາຊີບທີ່ດີທີ່ສຸດ ໂດຍອາໄສ 7 ປັດ ໄຈໃນການຄຳນວນຄື: ເງິນເດືອນສະເລ່ຍອັດຕາການວ່າງງານການເຕີບໂຕໃນໄລຍະເວລາ 10 ປີ ໂອກາດເຮັດວຽກໃນອະນາຄົດລະດັບຄວາມຄຽດ ແລະສົມດຸນຂອງຊີວິດໃນການເຮັດວຽກ.

แชร์