ໄອເອັມເອຟ ຊ່ວຍເຫຼືອເອກວາດໍ 643 ລ້ານໂດລາ

ກອງທຶນການເງິນສາກົນ (ໄອເອັມເອຟ) ອະນຸມັດເງິນຊ່ວຍ ເຫຼືອສຸກເສີນໃຫ້ກັບເອກວາດໍ ຈຳນວນ 643 ລ້ານໂດລາສະຫະລັດ ເພື່ອຕໍ່ສູ້ກັບເຊື້ອພະຍາດໂຄວິດ-19.

  ຕາມຂ່າວຕ່າງປະເທດລາຍ ງານວ່າ ກອງທຶນການເງິນສາກົນ (ໄອເອັມເອຟ) ຢືນຢັນໃນວັນທີ 3 ພຶດສະພາທີ່ຜ່ານມາວ່າ ໄດ້ອະ ນຸມັດເງິນຊ່ວຍເຫຼືອສຸກເສີນໃຫ້ກັບ ເອກວາດໍ ຈຳນວນ 643 ລ້ານໂດ ລາ ເພື່ອຕໍ່ສູ້ກັບການແຜ່ລະບາດ ຂອງເຊື້ອພະຍາດໂຄວິດ-19 ແລະ ຫວັງວ່ານານາຊາດຈະຮ່ວມກັນ ໃຫ້ຄວາມຊ່ວຍເຫຼືອເອກວາດໍເພີ່ມ ຫຼາຍຂຶ້ນ, ຊຶ່ງເອກວາດໍເປັນປະ ເທດໜຶ່ງໃນອາເມລິກາລາຕິນທີ່ມີ ການແຜ່ລະບາດຂອງເຊື້ອພະຍາດ ໂຄວິດ-19 ຢ່າງຮຸນແຮງຍອດ ຜູ້ຕິດເຊື້ອໃນຂະນະນີ້ຢູ່ທີ່ 24.934 ຄົນ, ເສຍຊີວິດປະມານ 900 ຄົນ.

  ໄອເອັມເອຟລະບຸວ່າລັັດຖະບານເອກວາດໍ ໄດ້ໃຊ້ມາດຕະການ ທີ່ເໝາະສົມເພື່ອຄວບຄຸມການແຜ່ລະບາດຂອງເຊື້ອໂຄວິດ-19 ແລະ ບັນເທົາຜົນກະທົບທາງເສດຖະກິດ ແລະສັງຄົມ ແລະທຸລະກິດທົ່ວໄປ ໂດຍບໍ່ໄດ້ລະເລີຍໃນການຄວບຄຸມ ປ້ອງກັນໃຫ້ກັບປະຊາຊົນທີ່ທຸກ ຍາກ ແລະຜູ້ບອບບາງໂດຍທົ່ວໄປ.

-----

ໜັງສືພິມເສດຖະກິດ-ສັງຄົມ

แชร์